潮B潮TEE！陳冠希一歲愛女潮TEE+小白鞋現身紐約時裝周！

香港潮流教主之一陳冠希與國際名模秦舒培嘅可愛小女兒於上年三月出世，現時只係一歲幾大嘅小妮子已經登上紐約時裝周V.I.P Front row，可以話係年紀最小嘅潮B座上客！日前陳冠希與太太手抱小女兒Alaia出席男裝品牌ALYX時裝展，除咗難得一見陳冠希暖爸形象之外，小女兒Alaia亦以極為可愛嘅潮look現身，以Supreme紅色童裝Box Tee配襯黑色民族風褲仔，再加上白色童裝高筒波鞋，果然遺傳到爸爸嘅潮流基因，年紀小小已經功架十足！

陳冠希與秦舒培自小就為Alaia培養潮流觸角，幾個月大時Alaia嘅專屬毛毯已經係Louis Vuitton x Supreme出品，KAWS出品成為佢嘅可愛玩具，亦經常以不同NIKE限量版潮鞋現身，相信佢一定係當今其中一位最幸福嘅潮B！