跟韓團Twice著甜美系小黑裙！$500蚊以下派對裙款推介！

近年人氣最旺嘅韓國女團，一定必數A-PINK、BLACKPINK與TWICE，TWICE青春活潑又可愛嘅形象深入韓飯心，最近TWICE就登上韓國版COSMOPOLITAN創刊號封面，九位成員全部以輕熟微性感小黑裙登場，突破平日青春甜美學生造型令人眼前一亮！煩惱緊嚟緊新年派對揀咩裙好嘅姊妹們，不妨好好參考一下簡單又充滿奢華氣質嘅黑裙造型，小編仲特地揀咗$300以下戰衣推介，睇啱不妨買定一兩套放係衣櫃，就算突然要出席新年、生日等等大小派對都非常適合！

除咗小黑裙之外，每位成員都以不同風格示人，帥氣軍事風、甜美淑女風都相當搶眼，當中重點在於展現迷人雙腿，其實只要將上衣加上皮帶將腰線提高，望落雙腿就會更加修長，再加上一對高跟鞋，不但充滿女人味，仲可以令造型充滿節日派對感！

純白蕾絲裙都不失為一個百搭選擇，配黑色絲帶、腰帶與高跟鞋，令造型加重對比感，比起一套純白造型多添個性，而且亦有顯瘦效果。

另外今年度Pantone colour of the year係紫色，酒紅、紫紅等顏色都係冬日大熱，不妨湊湊熱潮做個紫系女生！