時尚名人私藏愛牌！小資女必愛超好著極易襯紐約Soludos草編鞋！

一對舒服又易襯嘅草編鞋，一向都係假日最百搭嘅鞋款，唔單止鞋身夠輕無負擔，透氣度高令雙腳可以休息，而且無論襯牛仔褲又或係短裙，都絕對唔會有違和感。近年最受荷里活女星歡迎嘅紐約品牌Soludos，唔單止款式設計非常年輕，而且度假風配色非常Instagramable，品牌最著名嘅刺繡插畫草編鞋，一向都係Instagram最常出現嘅款式之一，除咗令穿搭多添一份繽紛活潑，穿上一刻仲即時感覺到輕鬆假日感，有時公司太忙，不妨放鬆一下以草編鞋配牛仔褲返工，非常有療癮感亦感覺更自如。

紐約品牌Soludos品牌由於2010年由Nick Brown創辦，意念在於希望將故鄉西班牙海岸度假鞋履帶到都市，令都市女生無論生活幾忙碌都可以偷閑享受片刻度假感覺，同時保持時尚動人。