美甲控新年情人節必備！顯白不俗氣超氣質紅色美甲靈感大集！
新年美甲彩繪推薦在此睇！
眨吓眼又到農曆新年啦，之後好快又到情人節啦！除咗買新衫之餘，身為美甲控當然唔可以忘記要換新年美甲彩繪！想不到換哪款美甲彩繪圖案？為咗應新一年同情人節，當然係紅色系美甲吧！可能大家都怕紅色顯俗氣，但其實唔一定。紅色系美甲唔單至可以優雅大方，仲可以令你雙手顯白，而且帶有女人味，唔少紅色美甲彩繪都好溫柔不老士架。想突顯氣質又想應應節，跟著我哋為你推薦嘅紅色系美甲款式就係最佳選擇啦。小編為你整理以下5款優雅時尚且溫柔嘅紅色美甲款式，等大家唔洗煩惱如何換美甲過新年同迎接情人節！
美甲彩繪款式靈感1：運用不同配色
當然10隻手指都塗紅色，的確有點俗氣，而且過於普通。其實你只要運用唔同嘅紅色系指油mix and match 就可以打造出唔同感覺嘅充滿喜慶感同時尚感嘅紅色美甲！好似你可以加入酒紅色同珠光色，令整體感覺冇咁單調，氣質up！
美甲彩繪款式靈感2：透明系紅色
如果你喜歡簡約低調，你可以選擇透明系紅色系美甲款式。其實你唔一定要選擇大紅色或者實紅色，利用透明感嘅粉紅色、紅色一樣能打造出有溫柔十足嘅氣質美甲啦。
美甲彩繪款式靈感3：金屬／閃片／珍珠細節
如果你想以紅色為主色又唔想太老士， 你只要加入一點小元素，好似金屬同閃片嘅細節，就能打造出充滿節日感，又能突顯精緻細節嘅美甲。假如你喜歡氣質一點的話，可以只在一隻手指上作小小嘅點綴，加上不同配色就能打造出少女感十足嘅氣質美甲。如果想突顯時尚感又想跟上潮流，你可以加入今年大熱嘅珍珠細節。
美甲彩繪款式靈感4：幾何款式
假如你是簡約控，唔喜歡太過誇張同夢幻嘅款式，你不妨考慮精緻又時尚嘅幾何美甲圖案，簡約得黎又充滿節日感，而且仲好優雅。
美甲彩繪款式靈感5：雲石款式
如果你係充滿少女心嘅女生，雲石美甲圖案就啱哂你啦！充滿日式溫柔風格，而且夢幻感十足，再加點金屬同閃片嘅點綴，指甲已經靚到好似珠寶一樣，自己見到都特別開心。
推介左咁多款適合新年或情人節造型嘅紅色系美甲彩繪款式，相信大家都迫不及待整甲喇，不過唔一定要出街比人整既，其實自己係屋企都可以享受整甲嘅樂趣。我哋揀咗一啲出名好擦嘅指甲油比大家，有啲仲係天然無害，保證你用得安心。放假無野做，不妨為你嘅指甲扮靚靚，打造專屬你嘅美甲圖案啦！