少女味爆燈！跟八大時尚女星揀$500以下法式優雅草編鞋！

夏日衣櫃絕對唔少得一對草編涼鞋，被譽為法國女士們最愛嘅夏日美鞋，不但令造型更有度假感覺，而且更百搭易襯，只需要一對就可以做到多個時尚造型！時尚草編鞋發源地在於南法和西班牙交界的庇里牛斯山，舒爽又透氣材質令當地居民遊走於地中海潮濕地區與山地亦保持舒適，經現代設計詮釋後，舒適度與時尚度並重，以好品味征服全球嘅Amal Clooney亦經常以牛仔褲配高跟草編涼鞋示人，不但有顯高效果，更時刻保持高雅女人味！

草編平底便鞋亦非常受歡迎，作為日常悠閒配襯單品方便又有型，比起波鞋質感更為輕爽，配裙裝與牛仔褲皆宜。

至於喜愛波鞋款式嘅女士們，草編厚底波鞋亦係好選擇，同樣易襯但更具型格個性，令造型更有趣與眾不同。