手袋情報
農曆新年拜年必備！24個時尚實用兼備CP值極高小手袋推介！
小巧奢華名牌Clutch Bag推薦為造型添上亮點
話咁快又新一年啦，好快又到農曆新年啦！農曆新年當然離唔開食團年飯同周圍去拜年啦，最開心就梗係拜年逗利是或者派利是！不過唔知大家有冇咁嘅經驗，就係利是多到唔知放邊到好，尤其是係要派利是嘅已婚人士！打扮得好好睇睇，當然唔可以用個普通透明袋袋住咁失禮啦！依家時候最好就係要有一個大方得體，既型又時尚嘅名牌Clutch bag！方便收納利是之外，又可以突顯品味，小巧設計猶為造型添上型格亮點，絕對係新年拜年必備！
小編當然了解大家嘅需要啦，所以今次為大家推介多個小巧精緻又應節嘅Clutch bag，等你可以做足準備，靚靚迎新年！
名牌 Clutch bag推薦1: 應節紅色
唔想著到太「紅噹噹」好似利是封咁，但又想身上有啲節日感，一個紅色Clutch bag，加上一啲金色嘅細節，又金又紅，應節之餘，仲可以幫你開運，而且十分吸睛，一定係新年最好嘅選擇！
名牌 Clutch bag推薦2: 中性型格
派利同逗利唔係女人嘅專利，而且比起女仔，男仔好似更需要一個唔失禮嘅Clutch。男仔多數都係中意全黑嘅，不過新年又好似唔係太好，所以小編為大家揀咗8款中性型格得黎，又唔會令長輩唔高興嘅款式比你地，而且男女都用得，百搭易襯，倆夫妻輪流用都得！
名牌 Clutch bag推薦3: 高貴大方
除咗紅色之外，其實女仔仲有好多選擇嘅！例如粉紅色或者米色嘅 Clutch Bag都係好優雅，而且多一份少女感，啱哂輕熟女，平日返工去派對都用得！
你可能喜歡：
PHOTO CREDIT:
Glamourqueennx@IG;Ina_frenchy@IG; Classic.valentino@IG; Thestylestalkercom@IG;