沾寒沾凍要保暖！20款辦公室必備$350以下冷外套推介！

不論四季辦公室都係冷氣雪房，本來冬天都已經凍，有時一出一入冷氣地方，仲更加容易病，所以手袋同公司長備一件冷外套真係好重要！完美冷外套不但要夠保暖，又要夠輕夠軟，顏色亦要易襯衫，小編就特登揀咗20件$350以下嘅辦公室外套，擺定一件係公司，又或者放係手袋以備不時之需都非常方便，最重要係慳位唔會阻地方，各位姊妹們都知衣櫃空間有限，多啲位就可以買多啲衫啦！

OL返工都要著得斯斯文文，如果顏色太花巧或者會同上班服格格不入！簡單優雅淡色調就最有氣質而又百搭易襯，薄薄一件外套披上膊頭，既做到保暖效果，仲可以令造型更有斯文氣質！

如果平日打扮比較中性型格，黑色冷外套就最適合你！如果愛著T-shirt牛仔褲，又或者簡單裙裝，一件百搭黑外套可以配襯任何造型，仲有顯瘦效果添！

如果你愛繽紛色彩，用上搶眼色調嘅冷外套就最適合你！每一種不同色調嘅搶眼配色都獨一無二，最適合充滿獨特迷人個性，鍾意衝出Comfort Zone試新鮮事物嘅姊妹！