新季手袋爆紅潮流特集！16+時裝精必收精選全白、Logo、小眾手袋！

雖然仍然係炎夏，但其實好多新季手袋已經相繼出爐！全球最受歡迎名牌網商之一NET-A-PORTER近排有大量新貨上架，尤其係手袋真係睇到網購精非常熱血！NET-A-PORTER一向入嘅貨都以時裝編輯眼光精挑細選，每一款手袋都必定會成為社交網絡當紅炸子雞，小編發現新季有大量新款純白手袋，每款都優雅時尚，為初秋添上不一樣潮流氣質，而且純白經典配色無論用幾多年都唔會過季，例如GIVENCHY GV3純白配色、MIU MIU極有女人味嘅手挽袋，相信秋冬將會大行其道！

除咗純白手袋，受街頭文化潮流興起，logo與monogram亦成為潮人必備配件。Gucci、Balenciaga、Fendi推出多款大膽而搶眼嘅logo款式，其中Balenciaga Ville袋款已經非常熱賣，當然一定要留意Saint Laurent主打Vicky手袋，品牌秋冬廣告不斷有Vicky蹤影，今季將會相當流行！

NET-A-PORTER亦一向支持小眾設計，今年亦唔例外引入多個新品牌，包括主力推介Cesta Collective嘅手挽藤織袋、Ulla Johnson嘅皮質半月形手挽袋、Hereu格網手挽袋，全部都非常搶眼、獨特而Instagramable，令造型充滿個性亮點與好品味。