73蚊爆紅粉底液！超高性價比美妝YouTuber Wayne Goss狂推！

相信好多貪靚嘅姊妹都聽過來自加拿大嘅爆紅護膚品牌The Ordinary，所有護膚配方都係以醫學高規格研發，以高濃度精華作為招徠，絕不含對肌膚造成傷害嘅防腐劑、化學物、礦物油等。如果對品牌熟悉的話，都知道品牌最出名就係極平價只需一百蚊就買到嘅透明質酸 2% + 維他命b5補水精華、高抗氧化懸浮維他命C精華等等，小編就係透明質酸 2% + 維他命b5補水精華粉絲，質感輕爽而極速滲透，只要多一個步驟肌膚就更具彈性，故此自爆紅以來都係好評如潮。最近英國美妝YouTuber Wayne Goss大推The Ordinary嘅粉底液，不但質感極似自然肌膚，價格更只需要73蚊一支，而且ASOS有得訂購，不如一齊睇吓Wayne Goss嘅點評，再揀適合自己嘅膚色試吓呢支小資女必備神級粉底液啦！

如果你比較喜歡輕薄質感嘅粉底液，可以選擇精華粉底液（Serum Foundation），效果水感而自然輕透，適合只係想調色而少瑕疵嘅姊妹使用！

如果你比較喜歡高遮瑕度嘅水潤粉底液，遮瑕粉底液（Coverage Foundation），效果極似自然肌膚，可以遮蓋面上斑點與暗瘡印，令肌膚更顯無瑕。