紐約街頭運動風！Adidas Originals by Alexander Wang二次聯乘開售！

第一季Adidas Originals by Alexander Wang雖然風聲唔高，但其實默默地銷情不錯，好多潮人都入手一兩件作為日常穿搭之用。所以Adidas Originals by Alexander Wang亦有延續篇，最新第二季男裝系列已經新鮮出爐！最新系列以街頭文化與單車運動主題出發，推出一系列九十年代復古風運動裝，當中包括秋冬必備衛衣，與當季紅遍全球嘅Sweatpant運動褲，最特別應該係罕有地推出足球球衣，都算係一大突破！

另外，最高注目當然係波鞋，今個系列共推出三款新波鞋，包括滑板鞋、跑步鞋以及大熱襪套波鞋，另外亦有一對拖鞋，鞋款相當具紐約街頭味，相信將會引起一陣搶購潮。小編就睇好藍色格網外套，款式經典易襯亦具多功能性，作為日常基本穿搭都非常方便好襯。