又到泳衣放閃季節！跟KOL揀20+ $500以下健康性感泳衣！

每朝見到夏日陽光好天氣，就會好想去沙灘好好曬一曬太陽，輕輕鬆鬆游吓水，真係寫意又舒服！不過要去沙灘享受打卡，又點少得一套呃like泳衣呢？各大品牌嘅春夏泳衣款式都已經出爐，今次小編就特地搵咗5位各有不同風格、出名泳衣品味一流，亦係吸like保證嘅KOL，為大家帶來更多夏日泳裝穿搭靈感，同時亦可以為自己選購一套靚靚泳衣，過一個輕性感又靚爆鏡嘅夏天！

Chiara Ferragni一向最愛以帶玩味但又輕露性感嘅一件頭泳裝示人，黑白配色最經典亦夠時尚，外加一條洗水淺藍牛仔褲，簡簡單單就令造型前衛有型，難怪佢吸like能力咁強！

Gigi Hadid一向以美國加州健康形象示人，小麥色肌膚最適合配襯搶眼又鮮色嘅性感泳衣，另外野性石磨藍亦係佢嘅最愛，時尚得嚟又充滿90年代復古感覺！

Bella Hadid可謂性感代言人，黑、白、粉紅泳衣就可以令陽光健康膚色更年輕但又不失甜美，將頭髮紮起更加清爽又充滿high-fashion時尚感！

兩位金家姊妹一向都係潮流尖端分子，二人已經率先著上運動風泳衣示人，其中Kim一套極搶眼Shocking Pink款式已經引起歐美熱搶潮！

外型非常甜美嘅Selena Gomez愛以鮮色泳衣與民族風款式示人，配上一款太陽眼鏡，型得嚟超有度假感覺！