美妆打扮
7 Jan 2020
Nicole Leung

新一年转新发色!漂染后修护+锁色留住靓靓头发!
5大神级高招保养护理染后发丝!

新年要漂头发转新发色?!漂染头发护理贴士大公开!

新一年转新发色!漂染后修护+锁色留住靓靓头发! <br/>5大神级高招保养护理染后发丝! | Goxip

新年除咗买新衫之外,换个新发色都系唔错慨选择!简简单单漂染个头发就做到超强换脸效果,新look绝对可以俾到人新鲜感!而家唔少女生都会选择漂头发,更加上色之余仲可以试多啲大胆同抢眼慨发色,唔洗染嚟染去都系啡色系造型。但系漂染头发会对发丝造成一定程度慨伤害,相信唔少人都惊头发变得干旱,又或者惊太快甩色,所以对漂染为之却步。其实只要做足漂染后护理工序,染后秀发一样可以咁柔顺,保养得好只色仲可以有咁耐keep咁耐,一齐睇下有咩漂染头发护理小秘诀啦!

漂染完头发记得用番护色或者锁色洗头产品,可以清洁之余同时填补发丝鳞状表层慨颜色粒子,令只色更加持久!好似紫色调慨产品就可以去黄,银灰色调就可以保持哑致灰色,黑色调慨就可以防止深发色褪红。大家记得洗头嗰时唔好用太热慨热水,因为会加快色素流失架!

漂头发之后想保养得更加好,可以用番无化学界面活性剂慨洗发产品,对护色功效更加大,而且仲能够温和护理头皮!

相信大家都听过,漂染头发之后尽量唔好洗太多头,一般嚟讲隔日先洗都系比较好慨做法,尤其后染完头一两日啊!如果怕个头睇落又油又污糟,咁就可以用吓干洗喷雾喇!用完睇落同真正洗完头一样咁干净咁干爽!

漂染完怕头发变干草,但又抵受唔住风筒、卷发器慨诱惑? 依啲高温造型工具好易令头发甩色同埋受损,所以用之前记得用发尾油做番个滋润保护慨打底工序,减少发丝毛燥问题,等头发染完一样咁健康咁靓!

想深度滋养受伤慨漂染发丝,一个星期记得至少用一至两次发膜为漂染头发作护理,可以大大减低头发受损程度,令秀发回复柔顺有光泽!

PHOTO CREDIT:
modern salon @pinterest; Tamara Schneider @pinterest; yahoo news