求婚一周年纪念日！双宋情侣装甜蜜遊东京！

双宋同遊东京过求婚纪念日

左：《太阳的後裔》剧照；右：宋慧乔素颜与日本化妆师合照

自从双宋亦即係宋慧乔与宋仲基结婚後，不停传出宋慧乔怀孕传闻，但最近双宋求婚一周年甜蜜遊东京，彻底粉碎怀孕传闻！因为二人遊东京时，宋慧乔约咗化妆师朋友去食饭，期间宋慧乔面红红应该开怀之下几杯下肚，如果真係有身孕就应该唔会饮咁多啦，所以双宋粉丝又要再继续等吓啦！而另一重点就係宋慧乔素颜影相都靓到爆，今年已经36岁嘅乔妹真係天生丽质！

讲起二人遊东京，途中遇到粉丝亦大方帮粉丝签名，亲民依旧。东京天气仍然非常冻，二人以情侣装大褛配搭出遊，结婚之後睇嚟甜蜜不减！双宋自於《太阳的後裔》合作结缘，一直到恋情公开与修成正果都令人相当惊喜，而且二人非常恩爱，常以低调优雅情侣装示人，最近法国品牌Dior宣佈双宋将会出席巴黎时装周任座上客，睇嚟二人将会经常以情侣档出席活动，真係放闪无极限！