一件Oversize卫衣走天涯！女生必学的卫衣日常穿搭术！

提起秋冬季节，又点可以唔提到oversize卫衣呢？简单又舒服慨oversize卫衣系唔少时尚女孩慨穿搭救星，喺Instagram上面都可以见到唔少明星、时尚达人喺穿搭入面加入oversize卫衣，证明时尚同埋休闲舒适唔一定系对立。点解有啲人可以将oversize卫衣着到好似街拍潮人，有啲人就普普通通、平平无奇？而家休闲运动风十分流行，oversize卫衣正正可以为穿搭增加随性时尚感，而且渠慨衬法相当之多。想将oversize卫衣穿搭着上另外一个层次？今日小编就同大家介绍oversize卫衣慨穿搭技巧，等大家轻松流露出休闲个性格调！

Oversize卫衣穿搭术：选择Crop款／运用内扎法则

Oversize卫衣本身已经有修饰身形慨效果，但由于渠慨廓形有一定份量，所以拣返短款慨卫衣可以拉长返双脚线条，令身形睇上去更加靓。如果屋企冇crop款，普通卫衣都可以做到同样效果。虽然将厚厚慨oversize卫衣摄入下装有一定慨难度，但大家都可以尝试一下，令双腿睇落去更加长！

Oversize卫衣穿搭术：当成连身裙

相信大家对「下装失踪」呢一种穿搭方法都唔陌生，oversize卫衣有渠一定慨优势，因为大到可以当裙着。变成裙装可以露出腿部慨肌肤，令成个造型更加有年轻活力。比较保守慨女生可以用oversize卫衣搭配短裤或短裙，做到同样效果之余感觉亦安心啲。

Oversize卫衣穿搭术：搭配长裙

唔想成日单穿卫衣出门，风格碰撞都系一个唔错慨造型选择，各位女生可以用oversize卫衣配搭长长裙装，令自己睇上去随性得来又有满满慨少女感，做到理想平衡慨同时亦散发一股清新感觉！无论系想假日穿着，定系打造casual friday慨OL look，一样咁适合！

Oversize卫衣穿搭术：Layering造型

oversize卫衣亦系玩层次穿搭慨理想单品，你可以选择喺里面内穿樽领衫，亦可以喺外面再加牛仔外套、大褛等等外衣，啱晒打造保暖造型，而且视觉上亦有更好慨层次效果，时尚感十足！

Oversize卫衣穿搭术：搭配legging/单车裤

最百搭日常慨穿法莫过于将oversize卫衣搭配紧身legging，除咗符合上寛下紧慨穿搭原则，亦可以散发出满满慨休闲街头感！唔想永远配legging咁沉闷，亦可以考虑搭配近期大热慨单车裤，同样做到潮人街拍效果！

多得休闲运动风慨出现， oversize卫衣已经变成左时尚达人们慨日常战衣，又可以轻松单穿，又可以搭配其他单品打造时尚造型。只要好好把握以上oversize卫衣穿搭技巧，慵懒女生都可以着得又靓又舒服！