Kylie Jenner與小女兒Stormi母子裝可愛上陣！Burberry、Gucci夏日潮B新裝全集！

Kylie Jenner於今年二月以二十歲之齡產女，成為荷里活時尚名人界其中一位最搶眼嘅辣媽，當然每次發佈女兒小Stormi Webster嘅近照都會引起全球注目，今次亦都唔例外！Kylie Jenner發佈最新母子合照，已經五個月大嘅小妮子仍然可愛非常，Kylie Jenner一身性感Bra Top潮裝吸晴之外，Stormi同樣以Burberry連身裙仔上陣，配合圓滾滾身形真係好可愛，其實英倫頂尖時尚品牌Burberry童裝一向都極受靚媽歡迎，經典格仔印花與甜美裙仔設計，可以同寶貝女以最潮母子裝上陣！

另外Kylie Jenner都係Gucci粉絲，絕對唔會少得Stormi一份！早前以極可愛Gucci嬰兒揹帶拍下母子裝，帶點復古氣息又潮爆！另外白色蕾絲裙仔都非常適合夏天穿搭，輕爽舒適又萌爆IG！