催旺桃花运的2020年妆容 ！令你恋爱运爆棚的好感恋爱妆立即GET！
攻心撩男零难度！
2020必学桃花妆容！粉嫩桃花恋爱妆教学！
踏入2020一定要学化桃花妆！无论你仲未脱单，定系同爱人蜜运当中，桃花妆容都系必需留意同值得花心思慨一部分！想催谷桃花运唔一定净系可以拣啱穿搭、睇吓来年运程同注意事项，只要化桃花妆用桃花色系旺一旺渠，就可以令自己心情靓啲、自信啲，外表吸引咗恋爱运就自然嚟啦！桃花妆可以散发出一种含羞答答、堕入爱河慨红润气息，就好似俾大量粉红泡泡包围咁，令人一望即刻都想谈番场轰轰烈烈慨恋爱啊！加上各大品牌都推出咗2020年桃花妆新品，适逢新一年系时候试用新嘢，利用桃花妆帮你增加桃红运同异性缘，喺爱情路上面顺风顺水！唔好唔记得，情人节都又就快到，到时又要为约会精心打扮同化妆，再唔学桃花妆就嚟唔切喇！一齐睇下以下2020桃花妆教学！
2020桃花妆容贴士(1): 哑致雾面底妆
首先从底妆入手，想望落更加精致同企理，当然唔可以油光满面啦！好多化妆品牌都推出咗雾感粉底液或者粉底霜，雾面妆感可以更好咁衬托出妆容慨粉嫩感！之后再用番蜜粉定妆，无论约会几长时间就可以keep住咁靓！
2020桃花妆容贴士(2): 长长睫毛
要增加成个妆容慨精致度，记得要为睫毛涂上睫毛液。太浓妆感反而有可能破坏其他人对你慨印象，所以超浓密效果慨睫毛液可以留番party先用，化依个恋爱妆慨时候只要将睫毛涂得根根分明就可以，对眼即刻有神劲多！
2020桃花妆容贴士(3): 红色系眼影
要增加桃花运当然唔少得红色元素！用红色眼影会俾到人楚楚可怜慨感觉，绝对可以令另一半更加爱你锡你！如果怕carry唔到红色，都可以试下酒红、粉红、橙红等等同色系慨颜色，同样可以营造到亲切可爱慨形象！
2020桃花妆容贴士(4): 下垂眼线
想低调营造无辜感觉，不妨用下垂眼线代替上扬眼线，可以令双眼睇落又大又自然，同时又有深邃感！幼而长慨下垂眼线令你睇上去无咁aggressive，更可以为妆容更添一份柔和感！温馨提示，想进一步令双眼更加有神，可以试下用眼线笔喺下睫毛位置轻轻画上假睫毛，令睫毛睇上去浓密啲但又唔会太夸张！
2020桃花妆容贴士(5): 玫瑰胭脂
恋爱妆容另外一个重点一定系玫瑰色慨胭脂！一方面可以为肌肤增添明亮健康慨光泽，另一方面又可以打造自然气色增加好人缘。但大家记得千祈唔好太重手啊！
2020桃花妆容贴士(6): 咬唇妆
咬唇妆热潮依然未减退！想打造低调心机桃花妆，先用唇膏或者唇蜜搽满成个唇部，之后再喺嘴唇中间搽多一层，向外轻轻blend开，就可以做到渐变效果架喇！
大家睇完上面慨桃花妆教学，化番个靓靓粉嫩恋爱妆容，2020年慨桃花运同人缘运一定比以前更加好，亦唔洗再为约会化妆打扮而烦恼啦！
相关产品