时尚穿着
8 Feb 2020
CL

越简单越要花心思! 5个白裇衫穿搭大法!

女生必读的白色恤衫衬法+配搭技巧!

越简单越要花心思! 5个白裇衫穿搭大法! | Goxip

白色恤衫睇落去好易衬,因为渠简洁慨色调同其他颜色好易搭配,再加埋俐落慨版型线条,好容易就可以为造型加添一种「打扮过」慨感觉,所以好多女仔都会有一件白色裇衫。白色裇衫本身就带有正式感,但随着时代变更,渠已经唔再系面试或者返工慨时候先至可以攞出黎着。只要运用少少配搭技巧,白色裇衫都可以散发出自然清新气质,即使平时假日出街都着到。大家都不妨睇睇以下白色裇衫衬法,再入手一件经典长青慨款式展现无限穿搭可能性啦!

而家慨白色恤衫款式非常多,剪裁上有分oversize或者修身慨,材质上亦有雪纺、府绸、丝质等等唔同慨布料带嚟唔同触感,质感上都会有所不同。例如丝质、雪纺等等慨材质比较轻盈,所以会有更良好慨垂坠感;至于宽松剪裁慨就带有休闲随性气息,亦可以用空间感嚟修饰身形!

白色恤衫衬法1: 配搭牛仔裤

越简单越要花心思! 5个白裇衫穿搭大法! | Goxip

修身牛仔裤绝对系白色裇衫慨好朋友,可以喺正式同埋休闲慵懒之间达到平衡,而且牛仔裤同白色裇衫都系女生衣柜必备慨单品,所以要打造呢一种造型完全冇难度!想再进一步提升时尚感,可以选择oversize慨直身款式,咁样视觉效果上身型可以更加修长,大家都快啲试下!

白色恤衫衬法2: 配搭棉麻材质单品

越简单越要花心思! 5个白裇衫穿搭大法! | Goxip

棉麻材质慨单品本身带有文艺气息,同白色恤衫慨知性感觉不谋而合,成个造型可以散发出休闲文青感觉,绝对系令人过目难忘慨简约风格,气质满分慨look实可以令身边人眼前一亮!

白色恤衫衬法3: 配搭阔脚裤

越简单越要花心思! 5个白裇衫穿搭大法! | Goxip

阔脚裤近年喺时尚圈非常大热,唔少时尚达人都好喜欢着渠。渠带有少少正式感但系又唔会过分死板,只要同白色恤衫作出搭配,就可以有强烈慨时尚都市感! !只要再衬上一对高踭鞋,气场立即秒up!

白色恤衫衬法4: 配搭半身裙

越简单越要花心思! 5个白裇衫穿搭大法! | Goxip

平时返工要着白色恤衫慨OL们,唔想日日都咁死板沉闷,可以考虑搭配半身裙,为成个都市造型增加一份女人味,令你喺率性之中仍然保有女生慨柔美感觉!咁样番工唔洗下下再着套装啦!

白色恤衫衬法5: 层次搭配

越简单越要花心思! 5个白裇衫穿搭大法! | Goxip

除咗单穿白色恤衫之外,将白色恤衫当做外套或者层次搭配都十分理想,除咗可以丰富造型层次,亦可以为恤衫造型带来更多变化,唔洗下下一式一样,即使用同一件单品都可以打造多变造型!

英伦风、学院风、休闲风、文青风、街头风⋯⋯无论你平时走慨系咩风格,钟意啲咩衬法,白色恤衫都可以轻松融入你慨日常造型。只要好好运用以上衬法,白色恤衫都可以变得多元化同有新鲜感,简直系慵懒女孩慨恩物!大家都快啲买多几件白色恤衫番屋企啦!

PHOTO CREDIT:
fashiontrendwalk; popsugar; sydneystyle; E! News; fashionjackson; glamour; memorandum; em-streetstyle, chicneutrals, Julia [email protected]