事业型女生至爱！时尚优雅绝不失礼的高质返工手袋入手攻略！

身为事业心重嘅现代女性，新春当然要入手一个名牌手袋犒赏自己。有留意开时尚资料嘅你, 相信都知道今年大兴迷你袋，不过对於一众要返工嘅女生们，迷你袋真係好睇好唔用。返工手袋唔单至追求时尚感、仲要容量大，可以放得落电脑同文件先够实用，而且又要襟兴同易衬，又要大方得体，所以想挑选一个合适嘅返工大手袋真係唔係好容易。小编深知大家嘅需要，因此特意精选咗几款时尚实用兼备大容量名牌手袋比大家，满足你哋唔同嘅穿著需求，等你可以就新一年做足準备，让你喺职场上大放异彩，同事业顺顺利利！

Furla 係唔少OL们嘅爱牌，价钱合理得黎又高质，好似全新春季嘅 Furla Ribbon 大容量手袋系列就啱哂返工嘅你。简约俐落嘅设计，易衬又百搭，袋身更加上优雅嘅蝴蝶结设计，同缀以金色细节，糅合优雅同成熟美感。手袋采用小牛皮製造，柔软又翰身，而且容量大，有黑色同啡色两只色比你拣，经典耐看又易衬，无论係返工定去旅行都好啱用。

Chloe 无疑係每个女生嘅梦幻手袋，尤其係今年大热嘅Chloe Aby 款！之前已经介绍过，今年好兴有金属锁扣嘅细节！当中 ABY 系列中有款大容量手袋，就是Chloe 最新推出嘅新品 Chloe ABY DAY BAG。大手袋上缀以迷你锁扣，锁扣上仲印有品牌Logo，时尚又充满特色，而且设计仲好有复古感，唔似平时啲返工袋咁闷。

相信大家都知道Senreve係被誉小资女嘅Celine， 特别係Maestra大容量手袋款式更係专为职场女性而设。手袋容纳空间劲大， 仲有唔同隔层，可以好好将物品收纳，电脑、重要文件、化妆袋都可以一次宫纳哂，真係功能性强大。加上简约嘅设计，同唔同嘅皮质：牛皮、荔枝皮、龙纹皮等等，真係超百搭。唔单至可以手提，仲可以单肩揹同当背包用，真係实用又不失优雅。

Valentino Garavani嘅 Go Logo Escape 手提袋绝对係你嘅理想返工大手袋，超宽敞嘅内部空间，可以放哂平板电脑、书本、同做gym 嘅衫等等，仲点係佢用意大利皮革，超轻身同柔软，保證你零负担。

如果係中意啲斯文款，咁BURBERRY Medium Leather Title Bag就啱哂你啦！佢唔单至容量十分大，仲有两层设计，非常方便。而且设计四四方方，斯文又大方，而且好有气势，边个话大手袋唔时尚