打造女神般的顺滑光泽秀发！你一定要知道的护发小贴士！

必学护发方法＋护发好物推荐！

无论你慨头发系曲定系直，油定系干，粗定系幼，所有头发都需要精心保养。除咗拣适合慨头发护理用品之外，有啲护发方法系咩发质都适用，大家都可以做到！以下就同大家整理一下头发护理小贴士，同埋推荐唔同护发好物，等大家可以打造出顺滑有光泽慨亮丽秀发！

虽然用热水冲凉系好舒服好放松，但太热慨水系会损害到头皮油脂，令头发睇上去更加干罕同埋暗沉，真系一啲都唔值！平时头发干燥慨要用番正确护发方法，较返冻少少个水温，暖水就啱啱好啦！

相信大家都知道用护发素呢个方法，但你又用得啱唔啱呢？记得用护发素做头发护理慨时候唔好用落发根，顺着头发中间部份到发尾位置慢慢轻搽，咁就已经可以做到滋润效果。想搽得更加均匀，可以用一把梳慢慢梳理搽咗护发素慨头发，效果会更加好！

洗完头之后，大家记得要用温水清洗干净所有残余慨头发护理用品，如果唔系会阻塞头皮毛孔，令头发生长情况更加唔健康㗎！

无论你系想吹头，定系拉直或者电曲你慨头发，热力会对头发造成伤害，所以造型之前记得用返有深层修护功效慨抗热产品，例如发尾油等等，咁样就可以形成保护层，防止头发受到热力伤害！

喺未吹干头发之前用电发棒或者夹发器系一个非常唔明智慨选择！记得要等头发完全干透，先开始拉直或者电曲发先，咁样对头发慨伤害先会减低。

虽然绑马尾系非常方便快捷，而且又简单，但其实每日拉扯头发系会增加伤害，所以非必要慨时候可以放低头发，又或者绑更加松/低慨马尾，咁样就可以减少拉扯头发。

冇谂过枕头套都关发质问题？其实用棉质枕头套有机会吸晒你慨头发护理用品，而且亦会对发丝造成磨擦同埋拉扯伤害。所以转做丝质或者缎面慨枕头套系可以令头发生长得更加健康！

无论系咩发质或者发色都需要做深层修护嚟滋润发丝，而家已经有好多头发护理用品可以比头发做快速深层修护，唔使晒好多时间，但记得要定时做！

睇完以上护发方法，大家对头发护理应该已经有一定慨认知，想睇更多护发推荐，不妨睇睇小编以下搵嚟慨头发护理用品，对护理干燥头发都有明显功效架！