出嫁除了婚纱还要一对梦幻婚鞋！
盘点女星超模们出嫁最爱穿的超奢华名牌高踭鞋!
既时尚高贵又舒服舒适的婚鞋品牌大检阅！
相信每个女仔对於婚礼都有无限嘅憧憬，无论平时你有几男仔头，都希望係自己嘅大日子可以当一天公主，靓靓咁出嫁！不过除咗拣件心水嘅梦幻婚纱、头纱、妆容同花球之外，当然唔少得一对又啱高度、又时尚梦幻、又舒服嘅终极婚鞋，等你可以好好步入婚姻嘅殿堂啦！一生一次人生大事，梗係唔可以悭，一定要入手一对奢华时尚又舒适嘅高踭鞋！唔单至可以点亮你嘅造型，咁可以增加气质同梦幻感。
去年，有好多女星纷纷出嫁，佢哋嘅华丽婚礼当然大行头啦，从佈置、婚纱、姊妹裙、婚鞋、嘉宾穿搭都一一成为热话。依家就等小编为大家盘点女星同超模们出嫁最爱穿嘅梦幻高级婚鞋比你哋参考喇！
婚鞋品牌推荐1：Jimmy Choo
好多女仔结婚都会拣佢做自己嘅婚鞋，佢哋嘅高踭鞋我谂唔洗多介绍，大家都知佢出名华丽时尚，而且仲要好舒适！佢哋有好多唔同款式嘅婚鞋，当中Cinderella系列最梦幻，镶嵌咗Swarovski水晶，超奢华、梦幻得犹如童话世界里公主一样，就连亚洲第一超模林志玲都自掏银包花黎做自己嘅婚鞋走，著住佢真係可以实现你当公主嘅愿望。
婚鞋品牌推荐 2：Christian Louboutin
红底高踭鞋王Christian Louboutin 有边个女仔唔识呀？全球嘅女星同名媛都係佢嘅忠粉！每个女仔都渴望拥有一对。红色鞋底係品牌标誌性设计，高贵优雅又不失霸气。Blake Lively同Janice Man 结婚果时都係著Christian Louboutin嘅婚鞋。人生一次，真係值得花多少少钱既！
婚鞋品牌推荐 3：Manolo Blahnik
有睇开Sex and the City，你就一定知道依个品牌，因为爱鞋如命嘅Carrie梦想就係可以有成屋嘅Manolo Blahnik。当中他们嘅双缎面钻扣系列更係集华丽高贵於一身，加上鲜艳嘅绸缎，真係超时尚同华丽。婚鞋唔一定要闪闪或者白色既，好似Olivia Palermo 结婚都係著Manolo Blahnik 嘅蓝色双缎面钻扣绸缎高踭鞋，加上纯白嘅婚纱，令双脚成为焦点，而且时尚感即刻UP。
婚鞋品牌推荐 4：Nicholas Kirkwood
唔係个个女仔都习惯著好高嘅高踭鞋，唔想婚礼果日行到只脚伤哂，Nicholas Kirkwood嘅鞋履就啱哂你啦！佢哋嘅高踭鞋唔係太高，但佢哋设计又能突显女人味，而且佢哋鞋跟嵌入珍珠，浪漫又优雅，而且保證舒适，啱哂中意简约婚礼嘅女仔！
各位準新娘，立即为你嘅大日子入手一对既梦幻又舒服嘅婚鞋，做个靓靓新娘出嫁啦！