地表最强网红Chiara Ferragni 最爱的冬日穿搭！
最平HK$300 入手甜美又不失型格的毛毛褛！
毛毛褛穿搭术著出甜美型格时尚感！
天气时冻时热，早上出门返工真係好令人伤脑筋，穿太多喺室内同中午又热到出汗，穿太少放工返屋企时又冻。依个时候，当然最好就係有一件百搭大褛啦！讲起大褛，大家第一时间可能谂起Burberry 嘅Trench Coat 又或者係Maje 嘅毛呢大褛，佢哋当然係百搭易衬，而且仲好时尚添！不过假如你觉得两者都有点太斯文，不妨向地表最强网红嘅Chiara Ferragni 取取经呀！如果你有追踪佢个Instagram, 你会见到佢成日著一款毛毛褛，短短3个月就出现超过16次，而且出现喺唔同嘅场合，甜美得黎又有型，而且超百搭。
其实比起传统嘅大褛，今年係好兴依款好似teddy bear 嘅毛毛褛，唔单至保暖易衬，仲好舒服，而且带点少女嘅可爱感。今次小编为大家严选多款价钱贴地又高品质嘅毛毛褛比你哋，等你哋冬日可以多个选择！
毛毛褛穿搭推介1: 杏色/咖啡色
杏色同咖啡色绝对係百搭经典之选，除咗Chiara Ferragni 之外，好多时尚达人都有一件。简单一件白色上衣加条高腰牛仔裤同波鞋，已经好时尚！如果天气太冻，仲可以加多件薄薄外套係里面，令造型更有层次！
毛毛褛穿搭推介2: 白色／粉红色
假如你中意名媛高贵look，白色或者粉红色就最啱你啦！一件针织衫，加条黑色紧身皮裤，再配对ankle boot同金链手袋，已经好贵气同超有亲和力，无论係返工定约会都好合适呀。粉红色仲好啱大时大节著添，农曆新年啱哂呀！
毛毛褛穿搭推介3: 鲜艳颜色
唔喜欢大沉闷，你可以选择一啲鲜艳嘅颜色，好似鲜粉红、宝蓝色、红色等等都超级抢眼，时尚得黎又带点童真，去旅行同主题乐图打卡一流。你可以简单衬牛仔裤，休閒得黎又有点亮点。如果你係时尚迷，你可以衬运动裤同Hoodie，加对Dad Sneaker，即刻成为时尚潮人。
睇完我哋嘅毛毛褛推介，係唔係好心动想入手一件过埋个冬天啦？唔好等啦，快啲买返件同地表最强网红Chiara Ferragni同款嘅毛毛褛打卡吧！