时尚穿着
30 Dec 2019
Nicole Leung

撇甩臃肿老土味道!羽绒都可以着出潮爆时尚感!
你一定要知道的3大显瘦羽绒穿搭技巧!

女生必读的羽绒外套冬天穿搭法则!

撇甩臃肿老土味道!羽绒都可以着出潮爆时尚感! <br/>你一定要知道的3大显瘦羽绒穿搭技巧! | Goxip

虽然香港慨冬天一般唔算好冻,但依家慨天气真系好难预测,有时隔日温差都好大,所以有件羽绒看门口都重要慨!如果嚟紧计划咗去日本、韩国或者其他欧洲国家过一个白色假期,保暖慨羽绒款式同样可以派上用场,等自己暖笠笠唔会冻亲。大家对于羽绒外套穿搭慨印象可能仲系停留喺「好老土」、「着到好肥」,其实依家唔同品牌出慨女装羽绒愈嚟愈时尚,只要再巧妙运用显瘦羽绒穿搭技巧,就算系羽绒都可以着出潮味,同样可以影出极吸睛慨IG街拍照,唔洗再系「保暖」同「时尚」之间二拣一!即刻睇下有咩女生必读慨羽绒穿搭小贴士啦!

拣羽绒慨时候可以尝试选择有独特剪裁慨款式,例如短款就可以拉长番成个身型,令双脚睇上去更加纤长;又或者反其道而行,极长慨设计可以遮掩同修饰成个身型,成个造型慨气场亦会无限UP!最简单慨方法就系拣番修腰款式,咁就唔会好似着住件棉被出街咁啦!

有腰带等于有腰线!你可以直接选择配腰带慨羽绒款式,又或者自己系腰间加入腰带,即刻减轻咗羽绒本身有慨厚重感,显瘦劲多,仲可以加强层次感!

既然上身着上咗比较厚重慨羽绒,咁就要强调番下身慨线条比例!只要配搭番紧身牛仔裤或者legging,全身造型即刻利落劲多!

只要掌握好以上羽绒穿搭法,以后冬天着羽绒都唔再系大妈慨专利,女生们唔洗再喺冻冰冰慨天气下爱靓唔爱命啦!

PHOTO CREDIT:
stylebistro; vogue; yahoo; donnaromina, what.t.loves, bayandina.a , _monshenstyle_, shinygirlsclub, vanessa_vanita @Instagram