时尚穿着
4 Dec 2019
Nicole Leung

陪伴新娘靓到尽美美出嫁!严选超唯美姊妹裙四大终极小贴士!
势要与闺蜜们做索爆星级姊妹团!

拣姊妹裙的必睇攻略!

要筹备一个完美婚礼实在唔易,准备出嫁慨新娘除咗要拣好自己慨婚纱之外,仲要帮埋闺蜜拣适合慨姊妹裙。毕竟闺蜜们陪自己走过咁多日子,行到最后搵到幸福慨嗰一步,相信各位新娘子都希望可以同姊妹留低一份美好回忆,令成个婚礼更加美满。其实拣姊妹裙真系大有学问,又想大家可以着得靓靓,又要配合婚礼主题,又唔可以拣啲太抢镜慨设计,一唔小心真系会好影响成个婚礼慨观感,所以绝对唔可以马虎啊!不妨睇吓以下几个拣姊妹裙慨小贴士,跟住推介入手就唔会有错喇!

虽然想大家都可以着得靓啲,但新娘始终系主角,太性感慨款式例如Deep V、大露背、过短都有机抢咗新娘风头,加上姊妹慨身型个个都唔一样,性感设计渠地未必啱着或者钟意,又有机会走光,所以最好都系拣啲人人啱着慨小清新款式,例如稍稍露肩、薄纱等等。

其实亚洲人慨肤色一般都比较难carry深色裙,一啲淡雅粉嫩色系就会比较稳阵,而且亦较切合婚宴慨浪漫感。另一点就系,虽然话婚姻系两个人慨事,但长辈慨意见都要尊重吓,唔少长辈觉得婚姻系喜庆慨事,亦都未必钟意黑色、深啡色等等慨颜色,拣之前要考虑清楚啊!

姊妹们当日为咗帮新娘子准备好一切,要处理慨事情其实有好多,绝对唔系行行企企影吓相就完,反而要周围奔波同长时间走动。所以拣姊妹裙都要记得拣一啲方便出入同活动慨剪裁,亦可以选择材质比较轻便慨款式啊!

拣姊妹裙最好拣走简约低调风慨款式,太多繁复细节反而有机会显得太老土,而且简单啲慨款日后就有机会喺其他正式场合重着,唔洗惊浪费!

PHOTO CREDIT:
hitched; dhgate; veaul