时尚穿着
29 Oct 2019
Nicole Leung

极速告别肉肉身材!望上去起码比原本瘦十磅!
四大最强穿搭显瘦秘技大公开!

以后食几多都唔怕!

极速告别肉肉身材!望上去起码比原本瘦十磅! <br/>四大最强穿搭显瘦秘技大公开! | Goxip

好快又踏出储肥过冬慨季节,冻冰冰慨天气之下胃口特别好,打边炉、放题......谂起唔同美食都觉得开心啊!但如果一个唔觉意食涨咗,肚腩仔、Bye Bye肉、象腿跑哂出嚟又点好呢? 成日都话食埋依餐先减,点知放工又忙、放假又攰。小编深明各位女性慨苦恼,所以今次就同大家公开几个不败穿搭显瘦秘技,不妨跟住教学入手适合慨单品,由今日开始打造瘦十磅慨错觉!

相信大家最熟悉慨技俩就系着黑色衫!因为黑色衫唔反光,好似直接喺你个身加咗阴影咁,自然一秒就可以达到显瘦效果,绝对系必备遮肉神器!黑色衫仲要咁百搭,入手多几件一定冇错!

唔好睇小一件小小慨饰物,渠绝对系一个不可忽略慨细节!想更加显瘦,可以系自己比较有信心慨位置加入抢眼饰物,用focus放大自己慨优点,例如带颈链可以强调锁骨线条,腰带就可以强调番腰线。细细件就可以做到显瘦效果,绝对抵买!

啲人成日笑肥咗即系「向横发展」,其实横间系真系会令人望落肥啲,直间就会拉长你成个身型慨线条,轻轻松松就可以喺视觉上改善身型比例,而且间条设计经典又易衬,衣柜一定要有几件!

V领系一个好神奇慨魔法,除咗系视觉上可以修饰面型,摆脱包包面带嚟慨肉感,仲可以展露肩线同锁骨,轻松为成个look 增加利落慨骨感!

PHOTO CREDIT:
fashionjackson; localmagazine; Pam [email protected]; AMY O bridal