时尚穿着
现代极简轻婚纱热潮来袭！
年轻新娘必入手的质感白裙热款精选！
穿出属于自己的个人风格与唯美气质
随住时代变迁，婚礼慨程序愈嚟愈简单，大家介意慨系新人开唔开心，而非繁文缛节。咁亦解释到点解「轻婚纱」会出现，除咗方便活动之外，整体设计会时尚自然啲，比较贴近生活。而且价钱合理，唔洗下下一洗就要洗成几万蚊，平平地就可以入手咁有气质慨裙款喇！而且仲可以带去旅行/度蜜月影结婚相，亦易融入其他晚宴、生日会等场合，唔似传统婚纱着一次就要封存喺衣柜，真系抵着劲多！
轻盈、具线条感剪裁
大裙摆同长拖尾系好有气派，但轻婚纱慨轻盈飘逸感就会令人着得舒服啲，亦可以不经意咁自然流露优雅感觉。如果想感觉活泼年轻啲，其实拣番小白裙款式都唔错架，就算摆多啲pose、动作再大啲，再唔怕唔方便。当然，想再型啲有个性啲，或者想过一个与众不同慨人生大日子，不妨可以试吓连身裤或者西装裤啊！而家有唔少品牌都出咗裤款，感觉一样咁庄重优雅！
古典细节
准新娘拣婚纱时亦可以拣番有古典细节慨款，就好似lace、刺绣、珠饰等等，感觉会更加典雅优美，但又唔会过分浮夸，成个look简约而不失优雅。
时尚设计
轻婚纱慨剪裁会较轻盈简单，但就会加入番一啲流行慨元素，好似吊带、露背、一字肩露膊、泡泡袖、开衩裙摆等等，现代感会重啲！
PHOTO CREDIT:
aliexpress, muee, Hasshe