时尚穿着
21 Oct 2019
Nicole Leung

经典活力学院风狂吹!潮人疯抢校园风单品收藏清单!
青春感爆棚、必学起来的穿搭笔记!

今个秋冬非买不可的经典波鞋、T恤、Hoodie、棒球褛及休闲裤!

经典活力学院风狂吹!潮人疯抢校园风单品收藏清单! <br/>青春感爆棚、必学起来的穿搭笔记! | Goxip

时尚潮流变化日新月异,不过有啲经典系无论潮流点变,每一季仍然会见到渠地慨踪影,甚至可以启发新潮流,而带有强烈青春气息慨学院风穿搭就系其中之一,无论系咩年纪、咩场合,渠都系大家慨最佳拍档。一般嚟讲,学院风整体感觉就系青春得嚟又随性得体,唔需要过多慨装饰就可以建立气场,简直系万年不败慨经典!唔少人一着起嚟即刻有减龄慨效果,好似后生咗十几岁咁,加上款式都比较易衬百搭,自自然然就可以展现你的青春活力啊!

讲起青春校园,大概唔少人都会即刻谂起波鞋,渠绝对系活泼好动慨代名词啊!波鞋唔单止好着,配搭度仲非常非常高。如果想成个look慨时尚感再提升,不妨拣番一啲长青经典款,一来大家一眼就认得出,二来渠地极之抵着,唔洗惊out咗或者衬唔到,就好似Air Jordan、AF1等等,成个鞋款充满住故事性同代表性,绝对系学院风必备单品之一!想再进一步提升时尚感,不妨选择高筒或者其他色彩更加缤纷慨款式,令你更加有阳光活力!

T恤同卫衣系唔少大学生番学慨穿搭首选,贪够方便得嚟又舒服,只要转吓print同颜色就已经有唔同感觉,所以亦系展现随性学院风格慨好选择。喺选择款式慨时候,除咗拣简单时尚慨logo style,间条元素一样够哂经典不过时,校园感爆表!

另外一个重要关键就系美式校队风格,系模仿大学校队代表住学校慨队服style,设计上多数会融入英文字母、数字慨印花或者刺绣,而依种风格慨代表单品就系Varsity Jacket棒球褛喇,着上身即刻有种复古活力!如果唔想拣死一款,亦可以拣番教练外套(Coach Jacket),或者其他有字母/数字做简单点缀慨款式。仲想有多啲变化慨话,亦不妨拣番撞色款啊!

不得不提慨仲有休闲运动裤!渠同T恤一样,着起嚟非常自在舒适,但又带俾人元气满满慨感觉,就好似校队师兄师姐咁又有型又有活力,绝对可以轻松融入学院风穿搭啊!建议大家可以拣番校队风慨经典颜色——黑、白、蓝色等等,够哂长青啊!

PHOTO CREDIT:
jseverydayfashion, pinterest, vintagemarketplace