Hoodie 季节杀到！Gigi Hadid 最潮连帽卫衣穿搭街拍合集！
轻松衬出时尚型格秋冬 Look！

如果你中意著连帽卫衣 Hoodies 嘅话，咁秋冬绝对就係你嘅季节！喺咁冻嘅天气，一件 Hoodie 唔单止舒服又保暖，仲劲方便，一笠就出得街，超正！之但係唔少人都觉得 Hoodies 太 hea 太頽，其实识得衬一啲都唔係㗎，随性、时尚、型格，种种风格都 carry 到！唔信？今次专登揾咗几款超模 Gigi Hadid 嘅Hoodies 穿搭街拍同大家分析一下可以点样著出百变造型！当然唔少得靓款推介啦，唔多讲，即刻入正题！

衬牛仔裤可以话係最基本嘅衬法，简单方便，有种随性嘅感觉。入面当然有啲小窍门啦，就㨂啲稍微 oversized 嘅 Hoodies，咁样可以显得你特别瘦㗎！

如果係薄款 Hoodies，当天气好冻，加返件外套就啱啱好。除咗实用性，当然仲有配搭嘅效果啦！好似 Gigi Hadid 咁加件 bomber jacket，超级型格！

短款可以话係今季必入手嘅！比起正常款多咗种时尚嘅感觉，就算就咁著望落一啲都唔会觉得太 hea 太頽，而且举手投足间会露出最瘦嘅腰位，唔单止可以拉长身体嘅比例，仲会有啲啲啲啲性感，好有女人味！