时尚穿着
24 Dec 2019
Nicole Leung

零烦恼开展你的白色滑雪假期!
滑雪爱好者的完全服装指南!

时尚滑雪衣着、高级滑雪用品选购攻略+私心诚意推介!必看滑雪装备清单!

零烦恼开展你的白色滑雪假期! <br/>滑雪爱好者的完全服装指南! | Goxip

一到咗长假,又系出发去滑雪假期慨好时机!无论你系初学者,定系滑雪高手,想享受雪地乐趣离唔开一套好慨滑雪服装同实用滑雪装备!相信唔少人拣滑雪衣着嗰时都觉得好难入手,价钱又唔算平,点样先可以拣到一套可以襟着又舒服慨滑雪服装呢? 其实好慨滑雪衣着除咗睇落时尚之外,仲应该有足够慨实用功能性,始终滑雪场都系一个危机四伏慨地方,好慨装备绝对可以保护好自己!如果你都想知点样先可以拣得啱,令呢笔为数不少慨金钱投资得更有价值,咁就不妨睇睇以下滑雪装备清单同推介!

喺白茫茫慨滑雪场上面,大家终于可以拣番啲色彩缤纷慨衫嚟着,除咗影相比较好睇之外,亦更加容易令人注意到你,touch wood出咗咩事都冇咁惊!另外,防水、防风同埋有雪裙慨款式亦都比较稳阵,咁样水先唔会渗入衣物内层,无论大雪纷飞定跌到慨情况都好易handle!

同滑雪褛一样,防风、防水、保暖慨功能对滑雪裤一样好重要,避免俾雪整湿双脚冷亲!同时,多口袋设计同埋腰带亦可以令你滑雪嗰时更加安全同方便!想知道点着滑雪服装着得更加保暖,不妨睇睇以下影片参考三层式穿搭法!

雪地好容易折射阳光,令人望嘢更加困难,而且仲有机会伤害到双眼,所以一定要准备好护目镜!而家慨护目镜愈嚟愈时尚,覆盖范围亦都算大,绝对系必备滑雪用品!

普通慨薄手套绝对唔够!因为冻冰冰慨雪好容易会入到去,令到双手冻到无哂知觉,所以防水、抗摩擦、保暖慨厚手套会比较适合,跌低嗰时仲可以减低冲击力!

千祈唔好着一般慨短袜、颈巾或者短靴!滑雪长袜会喺特地位置加厚,又可以保护双脚肌肤;至于雪靴慨抓雪能力就比较强,保暖性亦更加高;护颈套亦都可以保护番颈部肌肤,必要时仲可以拉上去保护埋块面!

虽然玩滑雪依项活动的确唔平,但既然去得玩就唔好为咗悭少少钱就拣质量冇咁好慨装备,最重要都系玩得安全又放心啊!

PHOTO CREDIT:
hawtcelebs; people;gotceleb; francesverweij, [email protected] Instagram