儿童时尚
11 Oct 2019
Nicole Leung

玩味爆灯家庭日最佳打卡之选!
超萌亲子装Mini Me Look全攻略!

与小朋友一同温馨放闪无极限!

玩味爆灯家庭日最佳打卡之选! <br/>超萌亲子装Mini Me Look全攻略! | Goxip

依家成日都会喺Instagram或者Facebook见到啲明星或者KOL帮小朋友衬衫,有时候仲会同渠地一齐着亲子装,又可爱又温馨!除咗可以把握小朋友细个慨时间一齐留多啲靓相之外,着亲子装仲可以增加亲子互动,享受家庭乐。唔好以为衬亲子装系一件简单慨事,除咗着一样慨服饰之外,其实仲可以从其他几方面入手,令整体呈现和谐感但又不失创意,时尚得嚟令人隔住MON都感受到你地之间慨爱意啊!

最简单慨方法莫过于用一样慨印花互相呼应,例如间条、格纹等等都系好易入手慨元素,而且仲唔会过时,轻轻松松就可以展现和谐感同亲子默契。

喺材质方面入手,好容易就可以令人有一种「讲不出的和谐感」。新手父母们可以试试牛仔布,依种物料够哂百搭舒适,除咗拣同剪裁/版型慨牛仔裤之外,同样慨洗水/磨破效果都可以一试!除此之外,皮革都系唔会出错慨选择,够型又有个性!

如果能够做到色彩一致,相信亲子装慨感觉即刻会出哂嚟啊!觉得无从入手慨话,不妨试试中性色、大地色等等,依啲颜色安全得嚟仲好百搭,又唔怕衬唔到又唔怕过时,绝对系稳阵之选!

除咗从整体出发之外,有时喺细节上呈现一致性慨帮助都好大架!就好似颈巾咁,本身慨用途都好百搭,除咗戴喺颈之外,仲可以绑喺头做头巾,如果同小朋友发型一样咁就最相得益彰喇!你亦都可以考虑下从太阳眼镜、帽或者鞋入手,同小朋友一齐型格出门!

当然啦,话哂都系Mini Me Style,各位爸爸妈妈记得要留空间俾小朋友发挥,慢慢build up属于渠地自己慨风格。同埋唔好只执着于搵一样慨款,可以利用配搭搵出一致性!不妨同小朋友喺Mytheresa一齐慢慢搵出你地两个都钟意慨款式,享受一下依种另类慨亲子活动啦!唔好唔记得影相分享俾其他friend睇,同你最爱慨宝贝一齐放闪!

PHOTO CREDIT:
styleholic; harper's [email protected]; washington post; hellofashion