潮鞋集體回憶！Air Force 1 35周年再度爆紅！

NIKE Air Max 97子彈波鞋同埋Air Vapormax今年年頭帶到落年尾，成為潮界鞋王，其實仲有一對復刻黑馬跑出，就係今年正式踏入35周年嘅Air Force 1！Air Force 1絕對係NIKE最經典鞋款之一，簡單易襯極之百搭，自1982年首次發佈至今，成為街頭時裝文化中不能或缺之一員，相信好多潮人青年時代都擁有過一對，所以今次見到Air Force 1再次大流行，真係所有回憶都返晒嚟！相信當年不論男女鞋櫃都有一對全白Air Force 1，潮男襯日系潮Tee與501牛王、潮女襯吊帶背心短牛仔褲，基本上係無得輸！既然熱潮再臨，不如就入手一對參與90年代街頭文化復古潮！適逢35周年，NIKE亦特別推出迷彩新版潮鞋，如果已經擁有低筒經典款，小編認為，亦可以好似周冬雨咁襯黑襪非常有復古街頭感！