炎夏最強自拍小臉武器！Hadid姊妹都愛粉紅太陽眼鏡特集！

炎炎夏日絕對係名正言順戴荷里活巨星款太陽眼鏡嘅最佳時機，不但可以認真保護雙眼免受紫外光傷害，更加令整體造型即時升級，充滿不一樣嘅時尚氣質！近年粉紅太陽眼鏡大受歡迎，復古大鏡框除咗可以有即時瘦面效果，仲少女氣息極濃令人一見傾心！小編今日特登搵咗今年春夏最新粉紅太陽眼鏡款式，等各位女士可以快人一步買到自己最愛款式！

復古飛行員款式一向都係衣櫃必備好物，易襯又永不過時，加上粉紅鏡片真係極有少女味道。Chloe、Ray Ban與Victoria Beckham今季新款非常容易配襯，奢華中不會過於浮誇，另太陽眼鏡品牌新貴Le Specs與Gentle Monster款式更為熱門搶手，愛鏡之人不容錯過。

貓眼太陽眼鏡更有時尚個性，可塑性與配襯變化亦更高，Baby Pink塑膠框、桃粉透明框等皆前衛又別樹一格，Valentino、Gucci今年亦有不少後古靚款可供入手。

太陽眼鏡一向都係可以更大膽表達個性嘅時尚配件，Linda Farrow、Dior Eyewear等設計前衛而突破平凡想像空間，猶如藝術品般令整體造型添上有趣氣質，如果喜愛打造不一樣夏日風格，以下型格氣質款式絕對係你今個夏天最愛！