入秋型男穿搭攻略！余文樂示範五大必備牛仔褸、波鞋、針織外套潮流單品！

秋天終於正式殺到，如果仲未置新裝的話，而家就係最佳機會！未諗到秋冬換咩新造型好，又係時候睇吓潮牌主理人余文樂嘅最新穿搭街拍，搵吓潮男必備秋裝靈感！

今年秋冬其中一個最熱門嘅男裝潮流一定係牛仔造型，係時候入手一件無論襯咩都無得輸嘅牛仔褸，今年流行深藍洗水款式，如果想搵較易入手嘅平價款，ASOS有大量新款上架，而想搵更型格嘅潮流款式，MR PORTER都有大量選擇！

最近巴黎時裝周余文樂亦有應邀出值，除咗以大受歡迎嘅Logo衛衣示人，更完美示範學院風Gucci造型，簡單一件衛衣、加返件針織冷外套即時有斯文感覺，最啱就係唔想返工look太悶但又唔可以著得太浮誇嘅男士著用！

最近余文樂主理品牌Madness與Converse推出合作鞋款，令高筒Converse chuck taylor all star鞋款成為城中熱話，今季必備全黑、深藍等秋冬色系，更易襯搭深色穿搭。

轉季天氣忽冷忽熱，一件百搭易襯同時又可以保暖嘅軍褸非常重要。經典深綠色調極易配襯任何衣著，尤其配牛仔褲一流！

長青黑色羊毛大褸唔單止可以應付冬季嚴寒天氣，而且更令平平無奇造型添上一陣紳士氣息。配上一對復古dad sneakers，更有個性太又唔會太過dress up，隨性中帶品味。