沾寒沾冻要保暖！20款办公室必备$350以下冷外套推介！

不论四季办公室都係冷气雪房，本来冬天都已经冻，有时一出一入冷气地方，仲更加容易病，所以手袋同公司长备一件冷外套真係好重要！完美冷外套不但要够保暖，又要够轻够软，颜色亦要易衬衫，小编就特登拣咗20件$350以下嘅办公室外套，摆定一件係公司，又或者放係手袋以备不时之需都非常方便，最重要係悭位唔会阻地方，各位姊妹们都知衣柜空间有限，多啲位就可以买多啲衫啦！

OL返工都要著得斯斯文文，如果颜色太花巧或者会同上班服格格不入！简单优雅淡色调就最有气质而又百搭易衬，薄薄一件外套披上膊头，既做到保暖效果，仲可以令造型更有斯文气质！

如果平日打扮比较中性型格，黑色冷外套就最适合你！如果爱著T-shirt牛仔裤，又或者简单裙装，一件百搭黑外套可以配衬任何造型，仲有显瘦效果添！

如果你爱缤纷色彩，用上抢眼色调嘅冷外套就最适合你！每一种不同色调嘅抢眼配色都独一无二，最适合充满独特迷人个性，锺意衝出Comfort Zone试新鲜事物嘅姊妹！