化身韩国oppa无难道！20+春夏舒服时尚直条、浅白恤衫全集！

相信大家都开始感觉到天气开始回暖，但天气界乎於冷与暖之间，最好就係著返件清爽直条恤衫，见冻外加冷衫，热又可以摺起衫袖，无论返工出街都易衬方便，绝对係简单又舒服之选！近年韩国男星们都经常以直条恤衫示人，不如就一齐睇吓OPPA们点拣恤衫，再简易衬返时尚又有文青味嘅潮男造型！

如果你嘅身型同李敏镐一样偏横，轻爽棉麻恤衫就係你夏天最好朋友。因为棉麻质地比较轻软，膊头够横撑起恤衫唔会变A字膊。但如果膊头唔够横，就可以拣比较挺身嘅恤衫款式，夏天可以选择轻松立领款式，比起标準领更为简单，又不失OPPA气质。

如果喜好韩系大叔系风格，孔刘可以话係最佳例子。大叔通常有返咁上下年纪，对自己造型亦更有自信，故可以尝试更多不同造型。例如纯白恤衫配合不同衬法，佬味浓则可拣略松剪裁，配黑色Chino与懒佬鞋，望落非常effortless又略带性感。而喜爱pattern的话，直条恤衫亦係好选择，同样轻松立领款式更显夏日气息。

近日传出与秀智蜜运嘅地狱使者李栋旭，则爱标準领恤衫，现年已经37岁嘅佢爱以与年龄相付单色恤衫示人，间中亦会依据风格选择大胆印花恤衫，例如最近前往仁川机场时，穿著一件Valentino恤衫，型味十足。