買一件可以着成世！經典乾濕褸混搭技巧大公開！
乾濕褸穿搭靈感集！必學男裝乾濕褸配搭技巧！
時裝界裡面總有啲單品係唔會隨住時間嘅洗禮而變得脫節，就好似乾濕褸，咁多年都備受男士們喜愛。無論過咗幾多季，好多牌子都會繼續推出乾濕褸，皆因佢好襯之餘仍夠經典感覺。作為前英軍服飾，乾濕褸可以話係英國時尚界裡面其中一樣具代表性嘅單品，因此好多人都會將佢同英倫風格掛勾。男士們只要將乾濕褸加入穿搭，瞬間就可以變身成為潮味十足嘅英國紳士。最吸引嘅係，雖然睇落夠斯文得體，但乾濕褸可以配搭唔同男裝單品，而且市面上仲有好多唔同款式，等你可以喺穿搭之中注入新鮮感同增添多樣變化。想知點樣用男裝乾濕褸配搭出型男穿搭? 咁就要繼續睇落去喇！
乾濕褸本來係第一次世界大戰嗰時，英軍為咗防風擋雨而着嘅軍裝。大家講起乾濕褸都會諗起一個牌子——Burberry，其實Burberry就係當時整乾濕褸整得非常好嘅一間店鋪，後尾人氣愈嚟愈好，自此Burberry同乾濕褸就結下不解之緣，成為咗潮流界嘅經典。
五個型男乾濕褸穿搭分享
1. 乾濕褸配搭西裝
最經典嘅米色乾濕褸配搭西裝好適合，夠哂斯文體面，廓形線條亦夠利落時尚，加番對皮鞋就可以出入office同大大小小嘅會議。乾濕褸仲可以令個穿搭感覺冇咁拘謹，即使番工都可以展現隨性潮味。
2. 乾濕褸配搭牛仔褲 / 波鞋
走隨性休閒風嘅型男唔洗擔心，乾濕褸都可以迎合你嘅需要。即使將男裝乾濕褸配搭牛仔褲同波鞋，成個感覺都會啱啱好，等你不經意咁流露英倫時尚氣息，而且呢一種乾濕褸穿搭男生非常容易駕馭，你都不妨試試！
3. 乾濕褸配搭冷衫 / T恤 / Hoodie
除咗牛仔褲同波鞋之外，唔同牌子嘅乾濕褸一樣可以配搭T恤、冷衫、Hoodie呢一啲衣櫃必備單品。乾濕褸可以為日常穿搭增添一份復古感覺，令普通單品睇落都冇咁普通，一件將成個look升級！
4. 乾濕褸配搭乾濕褸 + 報童帽
有樣單品可以同乾濕褸相輔相成，為穿搭增加滿滿嘅英倫復古感覺，佢就係報童帽喇！乾濕褸同佢嘅配搭令男性潮味出哂嚟。大家可以細心喺唔同牌子揀件合適易襯嘅乾濕褸，令自己嘅穿搭更有時尚味道！
5. 乾濕褸配搭乾濕褸 + 頸巾
乾濕褸係男士一年四季都可以着嘅單品，不過去到秋冬季節嘅出現度就更加高。只要喺乾濕褸外面再配搭上一條頸巾，即刻可以加強造型嘅層次感效果，亦能為乾濕褸穿搭增添亮點，係大家可以試試嘅小技巧！
而家咁多牌子推出男裝乾濕褸，款式仲愈嚟愈時尚有型。只要參考以上穿搭靈感，用乾濕褸配搭其他男裝單品，打造英倫潮男look完全無難度！大家想入手番件，其實有好多
，唔一定要揀Burberry，以下推介應該幫到你！相關產品