美妝打扮
7 Jan 2020
Nicole Leung

新一年轉新髮色!漂染後修護+鎖色留住靚靚頭髮!
5大神級高招保養護理染後髮絲!

新年要漂頭髮轉新髮色?!漂染頭髮護理貼士大公開!

新一年轉新髮色!漂染後修護+鎖色留住靚靚頭髮!<br/>5大神級高招保養護理染後髮絲! | Goxip

新年除咗買新衫之外,換個新髮色都係唔錯嘅選擇!簡簡單單漂染個頭髮就做到超強換臉效果,新look絕對可以俾到人新鮮感!而家唔少女生都會選擇漂頭髮,更加上色之餘仲可以試多啲大膽同搶眼嘅髮色,唔洗染嚟染去都係啡色系造型。但係漂染頭髮會對髮絲造成一定程度嘅傷害,相信唔少人都驚頭髮變得乾旱,又或者驚太快甩色,所以對漂染為之卻步。其實只要做足漂染後護理工序,染後秀髮一樣可以咁柔順,保養得好隻色仲可以有咁耐keep咁耐,一齊睇下有咩漂染頭髮護理小秘訣啦!

漂染完頭髮記得用番護色或者鎖色洗頭產品,可以清潔之餘同時填補髮絲鱗狀表層嘅顏色粒子,令隻色更加持久!好似紫色調嘅產品就可以去黃,銀灰色調就可以保持啞緻灰色,黑色調嘅就可以防止深髮色褪紅。大家記得洗頭嗰時唔好用太熱嘅熱水,因為會加快色素流失架!

漂頭髮之後想保養得更加好,可以用番無化學界面活性劑嘅洗髮產品,對護色功效更加大,而且仲能夠溫和護理頭皮!

相信大家都聽過,漂染頭髮之後盡量唔好洗太多頭,一般嚟講隔日先洗都係比較好嘅做法,尤其後染完頭一兩日啊!如果怕個頭睇落又油又污糟,咁就可以用吓乾洗噴霧喇!用完睇落同真正洗完頭一樣咁乾淨咁乾爽!

漂染完怕頭髮變乾草,但又抵受唔住風筒、捲髮器嘅誘惑? 依啲高溫造型工具好易令頭髮甩色同埋受損,所以用之前記得用髮尾油做番個滋潤保護嘅打底工序,減少髮絲毛燥問題,等頭髮染完一樣咁健康咁靚!

想深度滋養受傷嘅漂染髮絲,一個星期記得至少用一至兩次髮膜為漂染頭髮作護理,可以大大減低頭髮受損程度,令秀髮回復柔順有光澤!

你可能喜歡:

PHOTO CREDIT:
modern salon @pinterest; Tamara Schneider @pinterest; yahoo news