時尚穿著
20 Mar 2018
Sherry Yeung

太陽婚禮上一見鍾情!潛質Bigbang勝利嫂超氣質千玗嬉大起底!

一秒奪取OPPA芳心的迷人穿搭!

太陽婚禮上一見鍾情!潛質Bigbang勝利嫂超氣質千玗嬉大起底! | Goxip

對於韓國天團Bigbang成員接二連三傳出遇到真命天女,相信好多粉絲又心碎但又同時又希望OPPA搵到幸福,不捨之情真係百感交雜!雖然G-Dragon、太陽、T.O.P相繼入伍,但Bigbang人氣絲毫無減更似係加倍熱烈,最近勝利參加韓國綜藝節目《我獨自生活》,竟然公開與太陽大談心儀女生,更希望太陽嫂閔孝琳為佢介紹女生,而對象就係比佢大三年嘅氣質女星千玗嬉!

原來二人於太陽婚禮上碰面,勝利第一次見到千玗嬉已經一見鍾情,認為對方開朗有活力而且可愛大方,雙方亦有傾唔完嘅話題非常投契,但離開婚宴之時先發現唔記得留下雙方聯絡方式,但勝利對千玗嬉念念不忘,睇嚟二人有進一步發展機會非常高!

其實大家都未必太熟悉嘅千玗嬉,與大陽嫂閔孝琳2011年時拍攝《陽光姐妹淘》時認識,當時千玗嬉飾演李尚美角色,現年三十歲嘅佢無論穿搭亦或妝容都仿如二十出頭少女,不如一齊睇吓佢到底點樣嬴取OPPA心啦!

太陽婚禮上一見鍾情!潛質Bigbang勝利嫂超氣質千玗嬉大起底! | Goxip

1. 甜美減齡春裝

春裝已經陸續出爐,千玗嬉嘅度假風穿搭不但輕柔帶少女味,簡單一件清爽one-piece,就已經令氣質大爆發!如果要揀春夏裙裝,當然唔少得Self Portrait最新裙款,小編特地為大家揀咗四款春裝推介,再加四款小資女必備靚裙!

太陽婚禮上一見鍾情!潛質Bigbang勝利嫂超氣質千玗嬉大起底! | Goxip

2. 淡淡粉橙唇色

千玗嬉身為彩妝品牌VDL代言人,自然對化妝亦有要求!佢最愛就係令亞洲膚色更顯亮白嘅粉橙唇色,無論係做咬唇妝效果,又或係塗滿雙唇,都令整體妝感非常活潑!

太陽婚禮上一見鍾情!潛質Bigbang勝利嫂超氣質千玗嬉大起底! | Goxip

3. 中性姐姐穿搭

作為一個具女人味嘅成熟姐姐,有時作中性打扮亦令氣質大大提升!Oversize西裝褸配白T-shirt與牛仔褲,簡單得嚟又具個性,日常返工轉個新形象就最適合!

PHOTO CREDIT:
Chun Woo-Hee's Instagram