《延禧攻略》皇后娘娘成為新任女神！超氣質秦嵐時裝造型全攻略！

今期最熱門話題一定係陸劇《延禧攻略》，除咗又罕有使用優雅古代詩畫冷灰色調，更在於每位選角都靚到令人目不轉睛，充滿獨特個性之餘，亦將中國古典美發揮得淋漓盡致。當中最紅莫過於三代皇后，包括飾演魏瓔珞（令妃）嘅吳謹言、嫻妃佘詩曼，與人氣極盛旺盛嘅富察皇后秦嵐。三位之中以富察皇后最得人心，劇中個性溫婉善良、妝容穿搭清秀優雅，古典又極有氣質。其實皇后娘娘私下穿搭時尚又帶可愛少女味，反差非常大呢！

秦嵐深得民心，不單係反傳統地於宮鬥劇中剛柔並重而非常善良，即使面對宮中牛鬼蛇神仍能保持溫柔，秦嵐中常穿搭亦極具柔美氣質，尤其喜愛以純白配裸色高跟鞋示人，配上爽朗古典美，實在令人一見傾心，難怪不論男女都非常喜歡皇后娘娘！

秦嵐出席巴黎與米蘭時裝周時，以較為型格形象示人，但同樣以簡單為主，不多加太造作嘅配飾，一身牛仔與T-Shirt吸晴得嚟時尚，展現出與皇后角色截然不同嘅風格。

近日法國美妝品牌嬌蘭發佈皇后娘娘於劇中絳唇妝亦即係漸變咬唇妝嘅唇膏色號，用上古典朱紅寶石唇膏No.46，不但令膚色更顯亮白，亦有一種古典柔美氣息，令妝容更顯貴族女子氣派，消息一傳出已引起大批粉絲狂搶！