卡通波鞋crossover狂熱！繼龍珠後Pokemon與Hello Kitty震憾聯乘出爐！

上次Goxip介紹過龍珠與adidas震憾聯乘，大家都非常期待，但其實2018仲有好多卡通波鞋，睇嚟將會成為今年其中一個重點潮流！女生們可以對龍珠未必有太濃厚興趣，但今日小編所介紹嘅兩個系列，就連女仔都會尖叫好想要！首先就係韓國接手後，成為大勢街頭潮牌FILA，今年度佢哋會同Pokémon合作，推出六對全新潮鞋，包括兩對比卡超、波波球、小火龍、奇異種籽、車厘龜款式，每對都非常可愛！雖然寵物小精靈系列香港未有得賣，但FILA嘅韓系爆紅潮鞋，都好值得入手！

另外，Puma與Hello Kitty聯乘亦引起城中熱話，全城Hello Kitty迷亦瘋狂搶購，就連Puma官方網站都全線售罄，相信大家都搵得好辛苦一對難求！小編就幫大家搵到ASOS仍然有貨而且波鞋碼數仍然齊備，仲有可愛衛衣與運動褲，粉絲們快啲入手啦！