時尚穿著
15 Mar 2018
Sherry Yeung

實力演技大爆發!黃智雯爆紅新劇三個分裂人格衣著解構!

努力的女生最吸引!民間視后三個角色穿搭全集!

實力演技大爆發!黃智雯爆紅新劇三個分裂人格衣著解構! | Goxip

近期相信好多煲劇精都非常忙碌,不論日劇或港劇都有相當多好作品出爐,小編除咗瘋狂煲木村最新神劇《BG ~身邊警護人》同埋石原聰美爆紅日劇《Unnatural》,仲有一套雖然放係冷門星期日,但都令人追上癮嘅《三個女人一個「因」》!除咗劇情有趣貼地極有娛樂性,女主角黃智雯與兩位男主角袁偉豪、陳智燊表演非常亮眼,黃智雯今次飾演具三種分裂人格角色,包括專業律師、怕事又同情心氾濫嘅宅女、豪放又喜愛夜蒲嘅現代女性,每個人格都演得個性鮮明又有趣,又係唔少港女眾生相代表,難怪人係星期日收視都仍然非常好,真心好多網民希望黃智雯可以問鼎視后!好多劇迷們都忍唔住大讚黃智雯,睇住佢咁努力演好每一套劇集,認真嘅女仔永遠都係最吸引!其實平時黃智雯形象百變,盡情展現不同個性面向,不如今日就一齊睇吓智雯嘅日常穿搭風格!

實力演技大爆發!黃智雯爆紅新劇三個分裂人格衣著解構! | Goxip

1. 狂野現代菠蘿椰奶

其中一個極受歡迎嘅分裂人格就係狂野菠蘿椰奶,智雯演繹得野性、狂放又不失可愛,而且穿搭帶小女人輕熟感極具型格,相信大家都非常喜歡!

實力演技大爆發!黃智雯爆紅新劇三個分裂人格衣著解構! | Goxip

2. 可愛怕事小宅女愁擘擘

三個角色中,唔少人最鍾意分裂人格愁擘擘,雖然怕事又易喊實在會令人煩厭,但黃智雯將角色演繹得異常可愛,再加上宅女形象,實在非常討喜!

實力演技大爆發!黃智雯爆紅新劇三個分裂人格衣著解構! | Goxip

3. 專業女強人方以因

至於好勝又事業心強嘅原人格,實在令好多港女產生共嗚!外剛內柔又唔衰得個性,就好似好多都市職業女性嘅寫照!日常穿搭簡潔亮麗充滿自信,但又暗自充滿柔美個性,非常適合日常穿搭返工!

PHOTO CREDIT:
Mandy Wong's Instagram, TVB