時尚穿著
2 Feb 2018
Sherry Yeung

林志玲、言承旭終於修成正果? 傳二人奉子閃電成婚!

一代女神志玲姐姐溫柔女人味穿搭靈感!

林志玲、言承旭終於修成正果? 傳二人奉子閃電成婚! | Goxip

2001年第一套爆紅台灣偶像劇《流星花園》,令F4四子紅透半邊天,17年後團員都有不同發展,朱孝天、吳建豪、周渝民都已經分別成家立室,唯獨言承旭仍然未有著落。多年來佢同林志玲相差兩年嘅霧花姊弟戀一直未有進展,但上年年尾突然被拍到二人一同去做gym,世紀大復合令好多粉絲都震驚!就連小S徐熙娣都係與《VOGUE TW》訪問中,向二人喊話希望佢哋快啲拉埋天窗,最近終於都傳出二人修成正果,閃電成婚嘅消息啦!就趁新年就到,一於跟志玲姐姐學吓優雅氣質穿搭,成熟女人味無限提升之餘,亦招來滿滿戀愛運!

事源係志玲姐姐一向都非常積極工作,但近期大量推job,而為慶祝言承旭元旦生日,更加不接跨年活動。睇嚟傳聞又真係有幾分真,但又另有傳聞傳志玲姐姐身體抱恙大病一場,真係令人霧裡看花。如果真係結婚的話,相信粉絲們見到二人輾轉之下終於有情人終成眷屬,都會為佢哋感到高興並送上祝福!

林志玲、言承旭終於修成正果? 傳二人奉子閃電成婚! | Goxip

1.仙氣滿滿純白乾濕褸

志玲姐姐甜美氣質,一件純白乾濕褸令仙氣更加爆發,簡單又優雅同時又有親切感覺!

林志玲、言承旭終於修成正果? 傳二人奉子閃電成婚! | Goxip

2. 成熟女人味全黑造型

全黑造型適合出席正式場合,同樣以簡單為主,既唔會顯老又有幹練都市女性氣質。

林志玲、言承旭終於修成正果? 傳二人奉子閃電成婚! | Goxip

3. 氣質度假造型

志玲姐姐就算去度假,仍然穿著得像個少女,簡單配上白色波鞋,整個造型年輕又舒適!

PHOTO CREDIT:
Lin Chi Ling's Instagram