繼汪東城、Lena又一震憾配對！王大陸與姜漢娜約會蜜運？！

上回傳出汪東城與日系名模藤井莉娜蜜運，引起社交媒體瘋狂回應，但繼驚人台日配後，又傳出另一對台韓配！近期因《月之戀人－步步驚心：麗》而大受歡迎嘅韓國女星姜漢娜，被拍到多次來往台灣、日本與演員王大陸約會，而且更傳出二人牽手遊大阪環球影城照片，令二人戀情發展更疑幻似真！王大陸與姜漢娜因拍攝網劇《鬼吹燈之牧野詭事》認識，上年3月已經被拍到於大阪旅遊約會，今個月又被拍到姜漢娜飛抵台灣與王大陸同遊上引水產，睇嚟傳出戀情的確有其原因！

二人官方發言人分別否認戀情，指雙方只係好朋友關係，亦無多餘時間談戀愛，但二人其實都相當速配，好多粉絲都睇好佢哋成為真正戀人！不如今日就順道睇吓成為《Running Man》常規嘉賓嘅姜漢娜夏日韓系穿搭，為夏日韓風做好準備！

春天當然要有一條粉紅百摺裙，不但充滿仙氣，而且仲好百搭，簡簡單單就做到女神浪漫感覺！

白色恤衫、白色蕾絲、白色手袋，清新而簡潔嘅純白單品，令整體造型帶優雅而活潑嘅氣息，亦令整個造型即時點亮！