難以抵抗嘅荷葉邊浪漫！Kendall Jenner最新愛牌Solace London一啲都唔貴！
荷葉邊都可以好時尚！
不經不覺又已經九月中，香港天氣雖然仲係好熱，不過朝早返工出門口時，都已經間中感受到秋意！想捉緊夏天嘅尾巴，不如就用荷葉邊過度酷熱與秋涼嘅交接期，為夏與秋帶多來一點度假風浪漫！相信好多姊妹都覺得荷葉邊總係有一陣老土氣息，好難搵得到心儀又時尚嘅款，但其實當紅超模Kendall Jenner、Bella Hadid近期都迷上倫敦品牌Solace London嘅新派設計！品牌設計師Laura Taylor同埋Ryan Holliday-Stevens以建築為靈感來源，利用輕爽而絲滑嘅polyester布料，再用laser-cut造出俐落而具現代感嘅剪裁！（Photos：Internet）
傳統荷葉邊總係配粉色加半透明絲質，雖然有一陣公主式浪漫氛圍，但就爭咁啲時尚氣息。Bella Hadid最近亦著上討論度極高荷葉袖連身裙示人，帶前衛潮味但又不失溫柔浪漫，另外Solace London好多搶眼但又極具高雅氣質嘅設計都好受歡迎，重點係價錢中等，以咁高質嘅設計嚟講真係好抵買，一著上身就有浪漫度假感覺，身處香港都可以自製浪漫呢！