時尚穿著
12 Mar 2018
Sherry Yeung

有閨蜜就唔怕失戀!姚子羚宣佈結束三年情,胡說八道姊妹甜蜜陪伴!

差一步就結到婚?胡說八道會成員追尋幸福之路!

有閨蜜就唔怕失戀!姚子羚宣佈結束三年情,胡說八道姊妹甜蜜陪伴! | Goxip
有閨蜜就唔怕失戀!姚子羚宣佈結束三年情,胡說八道姊妹甜蜜陪伴! | Goxip

當由鍾嘉欣、李亞男、岑麗香、王君馨及苟芸慧合組閨蜜團'Amazing Esther'已經全部名花有主,大家都希望胡說八道會成員可以各自搵到自己嘅幸福,但睇嚟通向婚姻之路確實無咁容易,胡說八道會成員之一姚子羚最近傳出與拍拖三年男友鄭子邦分手,回復黃金單身!姚子羚日前亦透過社交媒體Instagram確認分手傳聞,發佈照片並寫道:「一段關係的完結並不代表就是結束~ 愛其實可以有更多不同的方式~我相信無論我們是什麼關係,仍會守護、祝福對方」,睇嚟雖然對關係萬般不捨,但仍然勇敢正面面對,令唔少粉絲都深表支持!

有閨蜜就唔怕失戀!姚子羚宣佈結束三年情,胡說八道姊妹甜蜜陪伴! | Goxip
有閨蜜就唔怕失戀!姚子羚宣佈結束三年情,胡說八道姊妹甜蜜陪伴! | Goxip

不少報道指二人戀情告吹或因姊妹成員於《胡說八道真情假期》中戴上鄭子邦面具與姚子羚預演求婚有關,似有逼婚之嫌,但戀情告吹原因太多,二人亦希望擁有更多私人空間。但可以肯定嘅就係只要有姊妹係身邊,失戀又有咩好怕!今日姚子羚已經同好閨蜜胡定欣一齊出發到橫店拍劇,更將可愛Selfie放上Instagram,閨蜜團亦一早陪子羚去布吉散心,一班失戀時可以永遠支持自己,留係自己身邊提供正能量嘅姊妹,比起搵到老公更難能可貴。

有閨蜜就唔怕失戀!姚子羚宣佈結束三年情,胡說八道姊妹甜蜜陪伴! | Goxip
有閨蜜就唔怕失戀!姚子羚宣佈結束三年情,胡說八道姊妹甜蜜陪伴! | Goxip

除咗胡說八道會閨蜜外,Katy龔嘉欣亦已陪伴姚子羚同遊日本賞櫻,不能不說兩人素顏都仍然靚爆鏡,有閨蜜陪自己素顏去旅行,真係一件好幸福嘅事!不過比起'Amazing Esther',胡說八道會成員情路比較曲折,希望佢哋都可以搵到幸福,無論事業與愛情都得意!不如都同時一齊睇吓胡說八道會閨蜜穿搭,以互相扶持態度,同閨蜜一齊搵到終極幸福!

PHOTO CREDIT:
Elaine Yiu's Instagram