復古手袋華麗Mix & Match！
二手中古名牌包包尋寶記！

每一個設計師品牌嘅手袋都有佢嘅獨特魅力，即使隨住時間變遷，佢地嘅個性同人氣仍然不減。無論你係對復古手袋情有獨鍾，定係budget有限想平價入手名牌手袋，又或者想買名牌包包又唔想撞袋，平靚正嘅二手復古手袋都係一個好選擇！佢地嘅設計唔單止經得起時間考驗，百搭又唔會過時，投資得啱嘅話仲十分保值！

唔好以為二手嘢一定又殘又舊，其實市面上唔少復古手袋喺前主人嘅愛鍚之下都得到好好嘅保養。如果大家仲係唔放心，今次小編就同大家推介番Vestiaire Collective依個國際知名二手名牌網商！佢地一向都係正貨保證，每件二手商品都會經由佢哋嘅專業手袋鑑定人員率先檢查，確保貨品係頂級正貨，仲會根據新舊情況進行評鑑，等大家買嘅時候一目了然，唔洗擔心質量問題！如果大家最近都心思思想入手番個平價靚袋，不妨睇睇小編以下介紹！

提起Louis Vuitton，應該冇人唔識佢最classic嘅Monogram老花啦！呢個設計夠哂經典同標誌性，無論過幾多年都係咁有個性！喺Vestiaire Collective上就有多個袋款同袋形揀，無論水桶袋、大Tote Bag定係細背囊都搵得到，真係多好多選擇！

Gucci嘅GG老花真係復古得嚟時尚感爆棚，無論襯街頭、優雅、學院、休閒風格一樣冇問題。除咗經典嘅GG老花袋之外，就連大熱嘅Marmont袋款一樣有。特別令小編心癢癢就係佢嘅側咩細袋款，千零蚊就有得入手啦！

以下Marc Jacobs嘅袋款時尚又襟用，仲好有奢華感，喺Vestiaire Collective上面又可以用極親民嘅價錢入手，而且仲有備受時尚達人們喜愛嘅Snapshot款式添啊！

講到保值又點可以唔提到Hermès嘅Pre-Loved手袋? 尤其係女士們心目中嘅殿堂級手袋——Birkin！佢嘅設計咁多年都咁時尚經典，一個包包即刻將你嘅造型華麗升級！

除咗以上四個品牌值得入手之外，Chanel、Dior、Fendi、Prada等等亦係大家值得考慮嘅選擇。不妨睇睇以下小編心水推介，有啲仲係近期大熱嘅it-bag，用極優惠嘅價錢就可以喺Vestiaire Collective入手！

Pre-Owned嘅復古手袋真係好有吸引力，Vestiaire Collective正正證明俾大家睇，買名牌手袋唔一定要破產！為咗令各位手袋控買得更開心更興奮，佢地最近仲推出咗超荀嘅首次購物優惠，只要喺番佢地個app到買嘢，買滿HK$1500即減HK$150，價錢真係勁令人心動，而且運去香港仲唔洗運費，各位時裝精千祈唔好錯過！