地表最強網紅Chiara Ferragni 最愛的冬日穿搭！
最平HK$300 入手甜美又不失型格的毛毛褸！
毛毛褸穿搭術著出甜美型格時尚感！
天氣時凍時熱，早上出門返工真係好令人傷腦筋，穿太多喺室內同中午又熱到出汗，穿太少放工返屋企時又凍。依個時候，當然最好就係有一件百搭大褸啦！講起大褸，大家第一時間可能諗起Burberry 嘅Trench Coat 又或者係Maje 嘅毛呢大褸，佢哋當然係百搭易襯，而且仲好時尚添！不過假如你覺得兩者都有點太斯文，不妨向地表最強網紅嘅Chiara Ferragni 取取經呀！如果你有追蹤佢個Instagram, 你會見到佢成日著一款毛毛褸，短短3個月就出現超過16次，而且出現喺唔同嘅場合，甜美得黎又有型，而且超百搭。
其實比起傳統嘅大褸，今年係好興依款好似teddy bear 嘅毛毛褸，唔單至保暖易襯，仲好舒服，而且帶點少女嘅可愛感。今次小編為大家嚴選多款價錢貼地又高品質嘅毛毛褸比你哋，等你哋冬日可以多個選擇！
毛毛褸穿搭推介1: 杏色/咖啡色
杏色同咖啡色絕對係百搭經典之選，除咗Chiara Ferragni 之外，好多時尚達人都有一件。簡單一件白色上衣加條高腰牛仔褲同波鞋，已經好時尚！如果天氣太凍，仲可以加多件薄薄外套係裡面，令造型更有層次！
毛毛褸穿搭推介2: 白色／粉紅色
假如你中意名媛高貴look，白色或者粉紅色就最啱你啦！一件針織衫，加條黑色緊身皮褲，再配對ankle boot同金鏈手袋，已經好貴氣同超有親和力，無論係返工定約會都好合適呀。粉紅色仲好啱大時大節著添，農曆新年啱哂呀！
毛毛褸穿搭推介3: 鮮艷顏色
唔喜歡大沉悶，你可以選擇一啲鮮艷嘅顏色，好似鮮粉紅、寶藍色、紅色等等都超級搶眼，時尚得黎又帶點童真，去旅行同主題樂圖打卡一流。你可以簡單襯牛仔褲，休閒得黎又有點亮點。如果你係時尚迷，你可以襯運動褲同Hoodie，加對Dad Sneaker，即刻成為時尚潮人。
睇完我哋嘅毛毛褸推介，係唔係好心動想入手一件過埋個冬天啦？唔好等啦，快啲買返件同地表最強網紅Chiara Ferragni同款嘅毛毛褸打卡吧！