甜辛風格必備飛行外套！
個性街頭混搭簡約隨性造型氣勢滿分！
各個種類的流行飛行外套，女生必備穿搭單品！
雖然時尚界嘅潮流日新月異，但總有啲單品可以敵得過時間洗禮，就例如飛行外套！飛行外套喺女生衣櫃佔住重要嘅地位，唔少時尚達人如Gigi Hadid、Kendall Jenner同Bella Hadid都擁有大量種類嘅飛行外套，貪佢型得嚟又夠年輕感！只要好好運用飛行外套穿搭技巧，飛行外套都可以混搭出各種個性街頭造型，隨性之餘氣勢一樣滿分！依家各大時尚品牌都推出咗唔同種類嘅飛行外套，無論平價到百幾蚊定係奢華到幾千蚊嘅飛行外套都有得揀，大家都不妨考慮吓入手一件長青又流行嘅飛行外套！
飛行外套由來
飛行外套其實泛指喺衣袖口同埋下擺有鬆緊羅紋束口嘅短外套，飛行外套嘅前身其實係美國空軍嘅制服，除咗舒適耐用仲可以適應各種氣候變化，後尾慢慢就發展到普羅大眾都會着嘅外套，其中就以MA-1飛行外套最流行同為人熟悉，大家行出街都會見到唔同人利用飛行外套打造型格穿搭。除咗帶有滿滿軍裝感，保暖舒適嘅賣點亦都令飛行外套更加流行，而且輕巧又襟着。時至今日，飛行外套已經變成時尚潮人必備嘅衣櫃單品，絕對係一個不折不扣嘅經典。
飛行外套女生穿搭技巧
想利用飛行外套展現流行穿搭，不妨搭配番波鞋、legging或者crop top，成個隨性運動風格即刻出哂嚟！最容易取得平衡感嘅方式，就係喺飛行外套穿搭入面配上迷你裙或者短褲，可以展現番腿部肌膚，望落去再顯瘦啲！以為飛行外套唔可以襯高踭鞋、小黑裙? 其實飛行外套可以平衡番整體嘅正式感，令你不經意咁流露出型格潮味！
女裝飛行外套流行種類1: Tweed 粗花呢
粗花呢本身有種復古感覺，將依個材質加入飛行外套之後，設計感覺煥然一新之餘又可以平衡吓款式嘅休閒感覺，係十分值得嘗試嘅飛行外套流行種類之一！
女裝飛行外套流行種類2: 光澤表面
想行更加獨樹一幟嘅風格，不妨揀番表面有光澤嘅飛行外套，例如緞面、金屬絲線、或者窩釘都可以令飛行外套望落更流行搶眼，係值得入手嘅款式！
女裝飛行外套流行種類3: 毛絨材質
毛絨材質嘅飛行外套令你諗起啲咩? 佢嘅觸感同熊啤啤好似，啱啱好可以為運動風剪裁注入可愛年輕感，各位少女一定喜歡！
女裝飛行外套流行種類4: 皮革材質
出門穿搭唔知揀飛行外套定皮褸好? 皮革材質嘅飛行外套就可以型格得嚟隨性感十足，依個種類嘅飛行外套一定可以為你嘅造型錦上添花！
想要番件飛行外套嘅女生們，不妨參考一下唔同KOL嘅飛行外套穿搭，再入手番多個種類嘅飛行外套，因為飛行外套絕對係長期流行嘅單品，擺番件喺衣櫃唔會有錯！
相關產品