時尚穿著
24 Aug 2018
Sherry Yeung

凍齡嫻妃佘詩曼人見人愛!43歲減齡少女感滿分穿搭全集!

《延禧攻略》氣質女神古典美感!時裝 x 唇妝解密!

凍齡嫻妃佘詩曼人見人愛!43歲減齡少女感滿分穿搭全集! | Goxip

《延禧攻略》熱播之時,三代皇后同時爆紅,飾演魏瓔珞(令妃)嘅吳謹言、嫻妃佘詩曼,與人氣極盛旺盛嘅富察皇后秦嵐之中,大家最熟悉一定係凍齡女神佘詩曼,今年已經43歲嘅嫻妃娘娘無論台上台下完全無人睇得出年紀,就算高清電視螢幕當中亦見唔到半條皺紋,真係不老女神嘅代表之一!佘詩曼除咗演戲了得,只係用咗15日就完成《延禧攻略》拍攝,演活深藏不露而城府深厚嘅嫻妃一角,令劇迷們留下極深刻印象,台下少女打扮亦令人難以忘懷!

凍齡嫻妃佘詩曼人見人愛!43歲減齡少女感滿分穿搭全集! | Goxip

講起佘詩曼嘅減齡穿搭,又點少得極有少女氣息嘅間仔裙!露肩令整體造型更年輕,再加上乾淨不造作嘅簡單妝容與清簡鞋履,令原本已經清秀可人嘅佘詩曼更加親切,有種大姐姐感覺,而絕對唔會覺得有距離感!

凍齡嫻妃佘詩曼人見人愛!43歲減齡少女感滿分穿搭全集! | Goxip

牛仔穿搭唔單止簡單型格,而且仲有一陣青春氣息,牛仔連身裙配上厚底鬆糕鞋,又或者加返對黑色皮靴,最殺食一定係文青眼鏡,少女味極濃!

凍齡嫻妃佘詩曼人見人愛!43歲減齡少女感滿分穿搭全集! | Goxip

佘詩曼最厲害就係文又得武亦得,清純少女造型毫無違和感,霸氣宮廷妝一樣搞得掂!最近法國美妝品牌嬌蘭發佈嫻妃娘娘係劇中嘅絳唇妝,專用色號係用上紅中帶褐、光澤潤雅嘅ROUGE G 寶石唇膏 No.03 淺花梨紅,令膚色即時更顯亮白,亦增添古典溫婉氣息!

PHOTO CREDIT:
Charmaine Sheh