小資女轉季護膚題案！
最平$26全球爆紅粉底、$55支CP值極高精華，超心動小眾護膚品牌推介！

唔理你幾多歲，只要身為女人，保養都係唔可以缺少嘅重要環節。一直都話世界上只有懶嘅女人無醜女生，只要你肯花時間，好好管理自己嘅肌膚，想變靚同留住青春，都唔係啲咩難事。不過坊間有好多唔同嘅護膚品牌，有平有貴，多到令人眼花撩亂唔知點揀好，係唔係貴就一定好用，而平野一定冇好呢？其實近年除咗大牌之外，仲有有好多又平價、又高質、又好用嘅小眾護膚品牌甫起，而且仲獲得外國美妝達人無限好評，成日買斷貨，回購率超好。

今次小編就為大家推介3個CP值極高小眾護膚品牌，保證令你心動！

來自加拿大嘅小眾品牌The Ordinary，相信好多人都認識，而且仲係好多女生嘅心頭好。佢哋係歐美火速爆紅，就連英國彩妝權威人士Wayne Goss都話正。The Ordinary產品叫好又叫座，一有新貨推出，都秒速售罄。佢哋嘅產品不僅成效好，價格仲好抵買，唔洗$100蚊就可以入手一支精華，性價比極高，簡直係小資女嘅恩物。

香港嘅女仔可能對依個品牌有啲陌生，The Inkey List 係來自英國， 已經深得歐美女生們嘅喜愛，更被譽為「英國版 The Ordinary」，喺網絡上仲獲得好多好評。品牌理念同樣係注重成分，而且保證零殘忍同唔做任何動物測試，加上極親民價錢，同功效高，推出唔夠一年已經贏盡口碑，佢哋支皇牌維他命 C 面霜，含有 30% 維他命 C 抗壞血酸成分，簡單易用，仲好抵添，真係值得一試。

追求成分嘅你，一定唔可以錯過The Ordinary 嘅姊妹品牌NIOD，佢哋喺英國一炮而紅，好口碑到引起搶購熱潮，連外國人都未必買到。佢哋同The Ordinary 屬於同一間母公司，一樣不譁眾取寵走簡約風，但唔同嘅係佢哋標榜專研高端美容護膚同保養科技，專注喺產品開發同原材料上面，打造價格合理，超質量嘅護膚品，實用與美感兼備。NIOD 從抗老、保溼到深層清潔都一應俱全，以聽說最熱賣嘅產品嘅眼部濃縮精華素，可以激退細紋同黑眼圈，真係好啱日日對於電腦嘅OL用。價格雖比較貴，但係相比坊間好多品牌，真係好荀。