鞋類情報
26 Jul 2019
Shirley Chan

鞋迷必入最火熱波鞋情報!NIKE全新N.354、D/MS/X熱爆登場!
超注目話題性新鞋官網發售!

AF1-TYPE、N110 D/MS/X 實用時尚兼備波鞋!

鞋迷必入最火熱波鞋情報!NIKE全新N.354、D/MS/X熱爆登場!<br/>超注目話題性新鞋官網發售! | Goxip

嚟到2019下半年,對於鞋迷嚟講最重要嘅就梗係新款波鞋嘅消息啦!時尚運動風嘅興起令到唔少波鞋嘅設計追求造型同功能兼備,而 NIKE 作為全球最紅嘅運動品牌,就以實用性同前衛風格為前題,推出咗全新系列—N.354、D/MS/X,分別用咗 NIKE 嘅創新精神同埋小眾體育運動作為靈感,將經典嘅造型加入新穎細節,帶俾大家全新嘅體驗!

如果你係 NIKE 嘅粉絲,你可能都有聽過喺 NIKE 總部入面有個神秘嘅檔案部門,收錄咗創立以嚟各個系列嘅產品,Air Max、Jordan 系列嘅初版鞋款都可以喺入面揾到,每對都代表 NIKE 為咗解決運動員嘅問題而不斷創新、突破嘅成果。就好似今次嘅全新系列 N.354,啟發自美國傳奇田徑選手 Steve Roland Prefontaine 跑一英里嘅最快時間—3:54.6,經典造型鞋款再加上半透明嘅物料、手寫標誌、縫線貼帶等細節,營造出手工製作獨特風格。

除咗運動員,NIKE 嘅靈感更加來自於唔同嘅體育運動,全新系列 D/MS/X 嘅設計源自更具挑戰性邊緣領域小眾運動,例如超級刺激嘅城市越野賽,完美表現出品牌創新、大膽、前衛嘅精神。D/MS/X 仲運用咗唔同物料,好似鞋舌用咗網眼布,鞋身就有透明物料,唔單止可以增強透氣度,同時打造出層次結構效果!

鞋迷必入最火熱波鞋情報!NIKE全新N.354、D/MS/X熱爆登場!<br/>超注目話題性新鞋官網發售! | Goxip
PHOTO CREDIT:
NIKE,@_yun.t,@chmielna20,@onthespot_official